Liria e Prizrenit do t’i drejtohet FIFA-s dhe UEFA-s për paratë që i takojnë për shitjen e Vedat Muriqit, klubi i Lazios tashmë është njoftuar në detaje
Vedat Muriqi ka nënshkruar kontratë me klubin e njohur italian Lazio, duke mbyllur aventurën një vjeçare te Fenerbahce.
Sulmuesi shtatlartë nga Prizreni karrierën e ka nisur në klubin ikonë të Kosovës, Liria, duke luajtur nga viti 2006 deri në vitin 2012.
Sekretari i përgjithshëm i klubit të Lirisë, Bashkim Kajdomçaj, në një intervistë për Telegrafin ka zbuluar se klubi prizrenas do të ankohet në instancat më të larta të futbollit si FIFA dhe UEFA, duke kërkuar parat e solidaritetit dhe stërvitjes për lojtarin.
“Liria ka angazhuar një zyre ligjore në Holandë. Do të bëjmë padi në FIFA dhe UEFA. Dyshojmë që e kaluara në klubin e Lirisë është fshirë nga klubet në Shqipëri. Ne do të kërkojmë kompensim për çdo transferim te tij, por edhe të lojtarëve të tjerë. Rasti tjetër është i Enis Gavazajt”.
“Ne kemi dokumentet që e vërteton se Vedat Muriqi ka qenë futbollist i Lirisë nga viti 2006 deri në vitin 2012. Po ashtu ne kemi kontratën profesionale dhe kartonin e futbollistit që njihet si pasaportë e futbollistit”.
“Klubi ka të gjitha vërtetime dhe procesverbalet e ndeshjeve kampionale në Kosovë ku ka luajtur Muriqi, madje edhe ka shënuar gola. Ai e ka nisur karrierën tek ne dhe nga Liria është ftuar edhe në grupmoshat e Kosovës. Për shkak të trupit të gjatë ai ka luajtur në tri pozita, edhe në mbrojtje”, ka thënë Bashkim Kajdomçaj për Telegrafin.
Sa i përket të kaluar se Muriqit tashmë është njoftuar edhe klubi më i ri, Lazio, me një shkresë zyrtare nga klubi i Lirisë.
“Sot i kemi shkruar edhe Lazios ku i kemi bërë të ditur që Vedati ka luajtur tek ne, duke i dhënë edhe detajet”, deklaroi Kajdomçaj.
Liria nuk ka dashur të flas fillimisht në lidhje me rastin, por ka preferuar të ndjek rrugët ligjore, por kur media në Shqipëri shkruan se Besa e Kavajës dhe Teuta e Durrësit do të përfitojnë pasi e kanë rritur lojtarin, atëherë klubi që e ka formuar realisht Muriqin, ka vendosur të shpalos faktet e tyre.
Liria zyrtarisht i shkruan Lacios
Në letër mes tjerash theksohet, se Vedat Muriqi ka dalur nga KF Liria.
Lidhur me këtë, Lacios i është kërkuar, që Liria të përfshihet në shumën që i takon në këtë transfer sipas rregullores mbi transferimin e lojtarëve.
Më poshtë letra në gjuhën shqipe dhe angleze, drejtuar klubit të Lacios.
I dashur Presidenti i Klubit Lazio,
I dashur Sekretar i Përgjithshëm,
Së pari pranoni përshëndetjet tona sportive nga klubi i futbollit Lira nga qyteti i Prizrenit, Kosovë.
Arsyeja pse po ju shkruajmë juve ka të bëjë me transferimin e fundit të klubit tuaj për lojtarin Vedat Murici nga klubi i futbollit Fenerbahçe.
Ne dëshirojmë t’ju informojmë paraprakisht se futbollisti Vedat Murici, është një lojtar që është rritur dhe zhvilluar si futbollist nga akademia e shkollës sonë të futbollit.
Vedati Muriqi, ka luajtur në klubin tonë për herë të parë si një futbollist profesional (bashkangjitur ju keni kontratën e tij me klubin tonë të verifikuar nga Federata e Futbollit të Kosovës) për të vazhduar karrierën e tij të bujshme në Shqipëri dhe më pas në Turqi.
Pas konsultimeve me Federatën tonë të Futbollit dhe njohës të mirë të rregullave të FIFA-s po ju shkruajmë zyrtarisht, që gjatë procedurave të transferimit për lojtarin midis SS Lazio dhe Fenerhbahce SK, duhet të merrni parasysh gjithashtu kompensimet për klubin tonë gjithmonë sipas rregullave të parashikuara nga FIFA.
Si provë që lojtari në fjalë është rritur dhe doli si futbollist nga klubi ynë, ju mund t’i gjeni bashkangjitur këto prova:
1. Kontrata profesionale e lojtarit me klubin tonë
2. Pasaporta e lojtarit, lëshuar nga Federata e Futbollit e Kosovës
3. Letër konfirmimi nga Federata e Futbollit e Kosovës.
Shpresojmë që ju të merrni në konsideratë kërkesën tonë zyrtare, dhe duke përdorur personat kompetent për transferime nga klubi juaj, përveç detyrimeve të transferimit për KF Fenerhbahce, të përmbushni edhe detyrimet e parashikuara nga rregullat e FIFA-s për Klubin tonë.
Ndjehuni te lire te kontaktoni me Federaten e Kosoves.
Duke ju uruar një kampionat të suksesshëm, ju dëshirojmë shëndet dhe fat.
Me respekt,
KF Liria
Qemal Krasniqi
Kryetar
Sipas llogaritjeve nga klubi i Lirisë, atyre do tu takojnë afërisht 1 milion euro për transferimin fundit, ndërsa do të kërkojnë kompensim edhe për transferimet e kaluara. /Telegrafi/
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Girona synon transferimin e yllit të Barcelonës si lojtar i lirë në fund të sezonit
Juventusi mëson çmimin që duhet të paguajë për transferimin e Edon Zhegrovës
Arda Guler dëshmon pse e bleu Real Madridi – shënon gol ndaj Real Sociedadit
Mjafton goli i Guler, Real Madridi arkëton tri pikë në udhëtim tek Real Sociedadi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre