Marcello Lippi beson se mesfushori i Interit, Nicolo Barella dhe sulmuesi i Lazios, Ciro Immobile do të jenë lojtarët kryesorë të Italisë në Euro 2020.

Ish-trajneri i Italisë, fitues i Kupës së Botës në vitin 2006, parashikoi Euro 2020 në një intervistë me La Gazzetta dello Sport.

“Unë mund ta shoh Italinë që ka vetëvlerësim dhe cilësi për të arritur një rezultat të shkëlqyeshëm. Ka ambicie dhe një bazë solide, por nuk është si në vitin 2006 kur luajtëm më shumë ndeshje para fillimit të turneut”, ka thënë fillimisht Lippi.

Turqi-Itali, formacionet e mundshme të ndeshjes hapëse të Euro 2020 Turqi-Itali, formacionet e mundshme të ndeshjes hapëse të Euro 2020

“Megjithatë, realiteti është se Italia gjithmonë luan për të fituar, sa herë që luajmë një garë të madhe. Nëse do të jemi me fat dhe të gjithë lojtarët do të jenë në gjendje, atëherë gjithçka është e mundur”.

“Unë shoh dy lojtarë që mund të jenë vendimtar. I pari është Nicolo Barella, sepse ai bën gjithçka që bëjnë lojtarët më të mirë në pozicionin e tij. Ai sulmon dhe mbron, ai ka besimin për të gjuajtur nga jashtë zonës së penalltisë, ai është prototipi i një mesfushori të shkëlqyer ndërkombëtar”.

“Tjetri është Ciro Immobile. Unë i besoj atij dhe mendoj se ka ardhur momenti i duhur për të korrur përfitimet e punës së tij të palodhur”.

“Roberto Mancini ka bërë kaq shumë. Ai rriti vetëvlerësimin e ekipit, Italia luan futboll sulmues dhe trajneri di të fitojë”, përfundoi 73-vjeçari. /Telegrafi/