LAJMI I FUNDIT:

Liderët më të mirë bëjnë këto tri gjëra për të shmangur të punuarit me orare të zgjatura

Liderët më të mirë bëjnë këto tri gjëra për të shmangur të punuarit me orare të zgjatura

‘Burnout’-i nuk ka të bëjë vetëm me të punuarit me orare të zgjatura

Nga Minda Zetlin, autore e librit “Kujdesi për Veten në Karrierë: Gjej Lumturinë, Suksesin dhe Plotësimin në Punë”

Çdo lider duhet të ndërmarrë tre hapa të thjeshtë për të zvogëluar ose parandaluar burnout-in tek punonjësit dhe tek vetja: uljen e kërkesave, ofrimin e kontrollit më të gjerë dhe krijimin e mjedisit të duhur. Këto këshilla vijnë nga psikologu i Wharton dhe autori i disa librave më të shitur, Adam Grant, në një “mini-mjet” për liderët.


Kam dëgjuar shumë përkufizime të “burnout” gjatë viteve, por më pëlqen veçanërisht ajo e Grant-it. Ai e quan “lodhje emocionale”. Mendoj se kjo është më e saktë. Burnout-i nuk përcaktohet vetëm nga oraret e gjata të punës – të gjithë e dimë që ka njerëz që punojnë pothuajse gjatë gjithë kohës, por duket se janë përsëri energjikë dhe të lumtur e jo të lodhur dhe të stresuar. Është emocioni që ndjeni në lidhje me oraret e gjata të punës dhe vetë punën që krijon burnout ose jo.

Duke marrë parasysh këtë, në vend që të përqendrohemi në gjëra si, pushimi nga puna ose sugjerimi i praktikave për uljen e stresit si, meditimi apo ushtrimi, Grant propozon luftimin e burnout duke rregulluar vetë punën. Ja këshillat e tij:

Lehtësoni kërkesat në çdo mënyrë të mundshme

“Identifikoni elementët më lodhës të një pozicioni dhe kërkoni mënyra për t’i pakësuar ato”, këshillon Grant. Padyshim që puna duhet të bëhet dhe me shkurtimet e personelit, ndalimin e rekrutimit dhe kohët e paqëndrueshme ekonomike, është e mundur që ju mund të mos punësoni më shumë njerëz për të zvogëluar barrën. Ndaj, me shumë gjasa, shumica e punonjësve tuaj dhe ju vetë gjithashtu, do të keni më shumë punë se sa mund të ketë në një ditë normale pune.

Por, ka disa gjëra që mund të bëni për të zbutur presionin e punës, thekson ai, shkruan Business Magazine.

Filloni duke zbuluar nëse ndonjë nga pjesët më të mërzitshme të një pune mund të përmirësohen. Kushtojini vëmendje komunikimit dhe mbledhjeve të shumta – për shembull, ndër përdoruesit e Microsoft 365, punonjësit shpenzojnë mesatarisht 57% të kohës duke marrë pjesë në mbledhje, e-mail dhe chat, dhe vetëm 43% të kohës duke u marrë me punët e zyrës si dokumente dhe tabela me të dhëna të tjera. Nuk është çudi që 68% e përgjigjeve në një sondazh nga Microsoft tregojnë se ata nuk kanë mjaftueshëm përqendrim për t’u fokusuar në punën e tyre.

“Nëse puna e tejzgjatur dhe pritshmëritë rreth disponueshmërisë dhe e-maileve po shkaktojnë burnout, adresojini ato, qoftë në nivel organizativ apo në nivel ekipi”, shkruan Grant. /Telegrafi/

Në trend Stil

Më shumë
Kemi përdorur gabim frigoriferin gjatë gjithë kësaj kohe, metoda e ‘saktë’ i mban ushqimet të freskëta edhe më gjatë

Kemi përdorur gabim frigoriferin gjatë gjithë kësaj kohe, metoda e ‘saktë’ i mban ushqimet të freskëta edhe më gjatë

A e dini se...
E mbani afër çdo ditë, artikulli që ka mikrobe më shumë se sa guaska e tualetit

E mbani afër çdo ditë, artikulli që ka mikrobe më shumë se sa guaska e tualetit

A e dini se...
Pesë minuta mjaftojnë për stomak të rrafshët

Pesë minuta mjaftojnë për stomak të rrafshët

Fitnes në shtëpi
Ekspertja tregon pse nuk duhet të flisni kurrë në punë për jetën personale

Ekspertja tregon pse nuk duhet të flisni kurrë në punë për jetën personale

A e dini se...
Pse duhet të vendosni një monedhë në frigorifer sa herë largoheni nga shtëpia? Njerëzit u shokuan kur e mësuan arsyen

Pse duhet të vendosni një monedhë në frigorifer sa herë largoheni nga shtëpia? Njerëzit u shokuan kur e mësuan arsyen

A e dini se...
Janë kreativë dhe i shohin gjërat nga këndvështrimi tjetër – njerëzit e lindur në këto shenja të zodiakut “mendojnë jashtë kutisë”

Janë kreativë dhe i shohin gjërat nga këndvështrimi tjetër – njerëzit e lindur në këto shenja të zodiakut “mendojnë jashtë kutisë”

Astrologji
Kalo në kategori