Ferrari po tenton të befasojë të gjithë në Formula 1, duke marrë pilotin e Mercedes dhe kampionin në fuqi, Lewis Hamilton.

Kampioni britanik e dominoi vitin që lamë pas në garën e makina, derisa tani duket se është shumë afër të bëhet pilot i markës së famshme botërore.

Në media është duke u raportuar se Mercedes po e planifikon largimin nga Fomula 1 dhe kjo do të ishte mundësi e artë për rivalin e tyre që ta marrë Hamiltonin.

Lewis Hamilton

Shefi ekzekutiv i Ferrari, Louis Carey Camilleri tha për media se Hamilton ka pasur “biseda” me kryetarin John Elkann.

“Është plotësisht e parakohshme – ne do t’i shikojmë opsionet tona në kohën e duhur dhe do të shohim se cila është më së miri”, ka thënë ai.

Kjo marrëveshje mund të realizohet në vitin 2021, derisa bisedimet mes të dyja palëve po vazhdojnë dhe gjërat janë në rrugën e duhur.

Hamilton aktualisht ka gjashtë tituj botëror në sportin që ka shumë adhurues, e që është vetëm një titull larg legjendës Michael Schumacher.

Formula 1 do të rikthehet sërish në marsin e vitit 2020, me një sezon të ri, ku priten ndryshime të shumta. /Telegrafi/