Leopardi ngec brenda shtëpisë, banorët e lagjes mundohen ta kapin – e pëson keq njëri prej tyre (Video, +16)

Një leopard që kishte ngecur i ngujuar brenda një shtëpie, ka lënduar një burrë dhe ka sulmuar disa tjerë në një sulm tinëzar.

Leopardi kishte ngecur brenda shtëpisë në qytetin Indore në Indi gjatë orëve të vona të premtes, dhe të nesërmen qytetarët mbetën të shokuar kur e kuptuan se në lagje gjendet një leopard, transmeton Telegrafi.

Kur banorët e lagjes u munduan ta detyrojnë të largohet nga shtëpia, gjithçka ndryshoi dhe leopardi kafshoi njërin prej tyre, ndërsa disa tjerë shpëtuan më lehtë.

Një video e filmuar me telefon mobil matanë jashtë shtëpisë ku kishte ngecur leopardi, shihen disa burra duke mbajtur një rrjet në dorë me të cilën shpresonin se do ta lidhin leopardin.

Por, ende pa u bërë ata gati, ai rastësisht kërcen jashtë dhe i vërsulet njërit prej tyre. Për fat të mirë ai veçse e përplas në tokë dhe paksa e kafshon dhe më pas i vërsulet tjerëve, duke i dhënë gjasa të ikë nga vendi i ngjarjes. /Telegrafi/