“Le të valojë flamuri i Serbisë nga Prizreni deri në Rumi”, reagimet në Kosovë, Mal të Zi dhe Bosnjë pas veprimit nacionalist të Djokovic

Tenisti serb, Novak Djokovic ka vazhduar me veprimet e tij nacionaliste kundër Kosovës, ai ka shfrytëzuar edhe paraqitjen e tij në turneun kryesor të meshkujve në tenis, për të dhënë mesazhe politike.

Ditën e enjte, Djokovic gjatë prezantimit para ndeshjes me Britaninë e Madhe, u prezantua me këngë nacionaliste për Kosovën.

“Le të valojë flamuri i Serbisë nga Prizreni deri në Rumi”, ishte njëra nga fjalitë e tekstit të këngës që u prezantua nga ai, transmeton Telegrafi.

E, për këto ka pasur reagime të shumta në Kosovë, Mal të Zi dhe në Bosnjë e Hercegovinë.

Ish-ministri i Punëve të Jashtme, Petrit Selimi, në platformën “X”, e ka quajtur të neveritshme këngën, ndërsa ka parashtruar pyetje se pse “Davis Cup” lejon këngë të tilla.

“Pse Davis Cup lejon një këngë të tillë në një garë tenisi, a e dini tekstin? E neveritshme”, thotë Selimi.

Why would @DavisCup play a Hamas-like song in a tenis competition? Do you know the lyrics? Disgusting. https://t.co/LXOatWGgn5

— Petrit Selimi (@Petrit) November 23, 2023

Për këngën nacionaliste të paraqitur nga sportistët serbë ka reaguar edhe deputeti gjerman, Reinhard Butikofer.

Deputeti gjerman ka ironizuar me propagandën serbe, ndërsa thotë se sanksionimi i Kosovës dhe qetësimi i Serbisë është një strategji madhështore.

“Jo nuk duhet ta marrim seriozisht propagandën ultranacionaliste serbe. Po, sanksionimi i Kosovës dhe qetësimi i Serbisë është një strategji madhështore.  Apo mos është e gjitha kjo ndoshta e gabuar”,ka shkruar Butikofer.

No, we must not take Serbian ultra-nationalist propaganda seriously. Yes, we can trust Vučić. Yes, sanctioning Kosovo and appeasing Serbia is a grandiose strategy. – Or is all that possibly wrong? https://t.co/ZCO1BiCApi

— Reinhard Bütikofer (@bueti) November 23, 2023

Një reagim të ashpër lidhur me këngën e prezantuar të enjten, ka bërë edhe analisti boshnjak, Jasmin Mujanoviq.

Ai thotë se është e pabesueshme që askush në “Davis Cup”, nuk ka bërë kontrollimin e teksteve të këngës hyrëse të tenistit serb.

“Një simpatizant i njohur i së djathtës ekstreme – pasi është një nga himnet më famëkeqe bashkëkohore serbonacionaliste, duke promovuar në mënyrë eksplicite aneksimin e Kosovës dhe Malit të Zi”, pohon Mujanoviq në platformën “X”.

Më tej, Mujanoviq, ka shtuar: Turp të kesh ‘Davis Cup”, që shfaq këngë nacionaliste, që bëjnë thirrje për aneksimin serb të Malit të Zi dhe të Kosovës.

Quite incredible that no one at the @DavisCup PR team thought to double
check the lyrics of Djokovic’s entrance music – a known far-right sympathizer – as it’s one of the most notorious contemporary Serb nationalist anthems, explicitly promoting the annexation of 🇽🇰 & 🇲🇪. https://t.co/yRgp88clVX

— Jasmin Mujanović (@JasminMuj) November 24, 2023

Ndërsa, analisti politik nga Mali i Zi, Ljubomir Filipoviq po ashtu ka thënë  “Davis Cup” duhet të ketë turp që ka lejuar shfaqjen e këngës nacionaliste.

“Kosova dhe Mali i Zi! E egër, Djokovic vazhdon të promovojë agjendën e tij nacionaliste ruso-serbe”, vijon reagimi i analistit nga Mali i Zi.

Kosovo and Montenegro! Outrageous! Djokovic continues to promote his Russo-Serbian nationalist agenda! @DavisCup you should be ashamed of yourselves! https://t.co/FtvSaP5sxe

— Ljubomir Filipović (@ljubofil) November 23, 2023

Vlen të përmendet fakti që tenisti serb në vazhdimësi përdor sportin për të dhënë mesazhe politike që kanë të bëjnë më Kosovën.

Para disa muajsh, Djokovic në finalen e French Open ka shkruar në njërën nga kamerat: “Kosova është zemra e Serbisë – Ndaleni dhunën”.

Gjithashtu, ai është parë duke bërë edhe homazhe për terroristët serbë të cilët kishin sulmuar Policinë e Kosovës më 24 shtator, ku ishte vrarë polici i Kosovës, Afrim Bunjaku.

Djokovic kishte postuar një fotografi në profilin e tij në Instagram nga tempulli i Shën Savës në Beograd, ku janë ndezur qirinj për serbët e vrarë në Kosovë.

Për veprimet e tij, pasur në vazhdimësi reagime. /Telegrafi/