0Shares

Nëse keni një pajisje Android dhe ndodh që të jeni klient i besueshëm i Windows, ju jeni ndër njerëzit e parë që mund të marrin aplikacionin “Your Phone”. Microsoft ka filluar testimin e aplikacionit eksperimental, i cili ju jep qasje të lehtë në dokumentet në telefonin tuaj nga një kompjuter Windows 10.

Sigurisht, mund të përdorni shërbime të palëve të treta dhe shërbime cloud si Drive ose Dropbox por funksioni premton një mënyrë më të thjeshtë për të përdorur dokumentet e telefonit tuaj, në të gjitha pajisjet.

Kur të hyni në Your Phone në një kompjuter, do të shihni fotot më të fundit në pajisjen tuaj Android. Ju pastaj do të jeni në gjendje t’i tërhiqni dhe t’i lëshoni drejt në një aplikacion tjetër, si PowerPoint nëse jeni duke bërë një prezantim.

Microsoft njoftoi së pari aplikacionin drag-and-drop më parë gjatë këtij viti gjatë konferencës vjetore të saj në Seattle. Aplikacioni eventualisht do të jetë në dispozicion për përdoruesit e iPhone, por vetëm në një kapacitet të kufizuar, veçanërisht për të dërguar faqen e internetit që po shihni në mobil në një kompjuter në mënyrë që të vazhdoni të shikoni video ose të lexoni tekst në një ekran më të madh.

Ndërkohë në Android, duhet versioni Android 7.0 dhe më lart për të përdorur funksionin eksperimental.

Të Ngjajshme
Shfaq Komentet (0)