Varianti më i fuqishëm i Huracan Evo, do të arrijë së shpejti

Të interesuarit për një Lamborghini Huracan edhe më të fuqishëm, atëherë mund të zgjidhnin edhe versionin e fokusuar për pista Huracan Performante, transmeton Telegrafi.

Kjo mund të ishte e përkryer, nëse këtë makinë do e shfrytëzonin për të shpejtuar nëpër shtigje, por jo edhe për vozitje në baza ditore. Për këtë arsye, Lamborghini po e përgatitë modelin Huracan Evo, të përshtatur me Performante, që ta bëjë shumë më të fuqishëm se deri më tani.

Në këtë formë, mund të bëhen vozitje të përditshme me një makinë që ka motor me kapacitet 5.2 litra që prodhon 640 kuaj fuqi, duke i mundësuar që shpejtësinë nga zero deri në 100 kilometra në orë ta zë për 2.9 sekonda. Brendia do të pësojë shumë ndryshime, me rritje të nivelit të teknologjisë, duke përshirë një sistem infoteitmant që ka ekran të 8.4 inç.

Makina është parë derisa testohej, me dukje të jashtme që ngjante me modelin e tanishëm, vetëm se pjesa transparente prapa, i ishte mbuluar me një sistem në formë grilli, që nuk është parë më herët te ndonjë Huracan.

Kapaku i pjesës së përparme, kishte ngjyre ndryshe krahasuar me pjesën tjetër të makinës, duke lënë të kuptohet se mund të jetë huazuar përkohësisht nga ndonjë Evo tjetër. /Telegrafi/