Los Angeles Lakers ka vazhduar me fitore, teksa ka marrë të katërtën radhazi në NBA.

Reklama

Skuadra nga Kalifornia para adhuruesve të vet ka triumfuar ndaj Atlanta Hawks me 16 pikë diferencë, 134:118.

Si gjithnjë, LeBron James ka qenë më meritori për fitoren e Lakers pasi e mbylli takimin me 32 pikë, tetë kërcime, nëntë asistime, katër topa të vjedhur e tri bllokada.

Me lojë të mirë te vendasit u dallua edhe Malik Monk me 29 pikë, derisa dyshja Carmelo Anthony dhe Avery Bradley realizuan nga 21 pikë të tjera.

Me këtë fitore Lakers ngritët në pozitën e gjashtë në Konferencën e Perëndimit me bilanc prej 21 fitoreve e 19 disfatave.

Reklama

Derbi në Konferencën e Lindjes është zhvilluar në Barclays Center të New Yorkut, ku Brooklyn Nets është mposhtur para adhuruesve të vet nga Milwaukee Bucks me 12 pikë diferencë 109:121.

Reklama

Kampioni në fuqi i NBA-së që nga fillimi i ndeshjes krijoi epërsi dhe arriti ta mbajë atë deri në fund.

Giannis Antetokounmpo me 31 pikë, shtatë kërcime e nëntë asistime ishte më efikasi tek Bucks, derisa Portis shtoi 25 pikë e Middleton 20 të tjera. /Telegrafi/