Ky robot do të kërkojë objekte që digjen dhe do të gjejë njerëz që duhet të shpëtohen

Luftimi i zjarreve dhe shpëtimi i njerëzve nga këto situata është gjithmonë një detyrë e rrezikshme, qoftë djegia e ndërtesave apo zjarret.

Megjithatë, zjarrfikësit po marrin ndihmë të vlefshme.

Disa kompani dhe ekipe shkencëtarësh po punojnë në zhvillimin e robotëve që mund të kërkojnë ndërtesat e djegura përpara se të hyjnë zjarrfikësit, dhe FireBot është në mesin e atyre robotëve.

Është një robot i telekomanduar që mund të përballojë temperaturat deri në 650 gradë dhe mund të punojë deri në katër orë pandërprerë.

Ai është projektuar në formën e një kutie dhe lëviz duke përdorur zinxhir dhe mund të kapërcejë pengesa të ndryshme, transmeton Telegrafi.

Roboti përdor teknologjinë me valë MIMO që e lejon atë të dërgojë të dhëna te një marrës deri në 1.5 kilometra larg.

Në këtë mënyrë, operatori mund të eksplorojë në mënyrë të sigurt një objekt që digjet ndërsa kontrollon atë robot me një levë duke shikuar ekranin.

FireNot ka sensorë që përfshijnë kamera optike dhe termale, si dhe mekanizma të ndryshme për detektimin e gazrave të rrezikshëm.

Përveç kësaj, roboti mund edhe të detektojë prezencën e monoksidit të karbonit dhe cianidin e hidrogjenit, dy nga avujt që edhe mund të shkaktojë vdekjen e njerëzve.

FireBot do të dalë në shitje më vonë gjatë këtij viti, dhe çmimi pritet të jetë 90,000 dollarë. /Telegrafi/