LAJMI I FUNDIT:

Ky është aktualisht qeni më i vjetër në botë

Ky është aktualisht qeni më i vjetër në botë

Kur studenti i një kolegji në Kaliforni, Alex Wolf shkoi me shokët e tij të dhomës për të adoptuar një qen nga një strehimore 20 vjet më parë, ai nuk e kishte idenë se qeni i vogël do të ishte ende i përkëdheluri i tij dy dekada më vonë, e lëre më të quhej “qeni më i vjetër i gjallë” dhe të hynte në librin e rekordeve Guinness.

Dhe kjo është pikërisht ajo që ndodhi javën e kaluar, transmeton Telegrafi.

“Ai ishte me mua në shumë situata të jetës. Kur shkuam për të birësuar, doja një qen të madh, por shokët e mi të dhomës më bindën të shkoja për një të vogël. Tani jam shumë i lumtur që e morëm”, tha 40-vjeçar për US Today.

Ai e quajti qenin e atëhershëm dyvjeçar Gino. Amerikani kujtoi kohën kur e solli fshehtas prindërve në shtëpi.

“Ai pëlqente të vraponte nëpër dëborë në oborr dhe varej poshtë tavolinës së kafes për të qenë në qendër të vëmendjes sa herë që vinin të ftuarit. Nëse shkonim në shtrat vonë, ai rrinte zgjuar dhe nëse flija unë, ai do të flinte”, thotë Wolf. /Telegrafi/