Prej më shumë se një vit janë anuluar thuajse të gjitha aktivitetet përfshirë këtu edhe koncertet e mbrëmjet muzikore.
Kjo për shkak të situatës së krijuar me COVID-19, e cila po vazhdon akoma të jetë e pranishme edhe sivjet.
Duket se mbrëmjet muzikore po i mungojnë edhe këngëtarit të njohur shqiptar, Sinan Vllasaliut.
Sinan Vllasaliu (Foto: Instagram)
Ky i fundit ka ndarë një video në rrjete sociale, gjersa kujton një nga koncertet që kishte realizuar në vitet paraprake.
“Do vijnë ditë të mira”, ka shkruar ai.
Sidoqoftë, një pjesë e madhe e artistëve shqiptarë kanë qenë të zëshëm gjatë kësaj kohe si pasojë e ndalimit të veprimtarisë së tyre.
Disa prej këngëtarëve pas zgjedhjeve kërkuan lejimin e dasmave duke marrë parasysh tubimet që u bënë nga politikanët në fushatat partiake. /Telegrafi/
