Zurichu është mposhtur 3-2 në udhëtimin e tyre te Thuni në ndeshjen e vlefshme për javën e 27-të në Superligën e Zvicrës.

Thuni ka shënuar një fitore të vlefshme për shtëpi ndaj Zurichut, fitore e cila i shton shpresat e tyre për të mbetur në ligë.

Golat në këtë fitore të vendasve i shënuan Simone Rapp (12’), Matteo Tosetti (14’) dhe Gregory Karlen (21’).

Në anën tjetër, dy golat e mysafirëve u shënuan nga dy reprezentuesit e Kosovës, Mirlind Kryeziu dhe Benjamin Kololli.

Mbrojtësi shtatlartë shënoi një gol të bukur me kokë në minutën e 31-të duke ngushtuar epërsinë në 3-1.

Ndërsa, Kololli ishte i saktë nga pika e bardhë në minutat shtesë të pjesës së parë duke quar rezultatin në 3-2, i cili ishte rezultatin përfundimtar.

Ky ishte goli i tretë për Kolollin në këtë sezon në Superligën e Zvicrës, ndërsa për Kryeziun i pari. /Telegrafi/