Kryeministri polak viziton Kievin për të përkujtuar viktimat e urisë

Mateusz Morawiecki, kryeministri i Polonisë, arriti në Kiev këtë mëngjes për të përkujtuar viktimat e një zie buke të epokës sovjetike që vrau miliona ukrainas në vitet 1930.

Ai vendosi një “buqetë simbolike” në një monument në kryeqytetin ukrainas.

Në deklaratën e qeverisë ndër të tjerash shkruante se “Uria e Madhe shpërtheu në Ukrainë në 1932-33 dhe ishte rezultat i politikës kriminale të Bashkimit Sovjetik”.

🇺🇦 Premier @MorawieckiM w #Kijów złożył symboliczną wiązankę przed Pomnikiem Ofiar Wielkiego Głodu.

Wielki Głód wybuchł na ziemiach Ukrainy w latach 1932-33 i był wynikiem zbrodniczej polityki Związku Radzieckiego. pic.twitter.com/QDpqhvOcBr

— Kancelaria Premiera (@PremierRP) November 26, 2022

Rreth 20 vende e kanë njohur zinë e bukës – e njohur në Ukrainë si Holodomor – si një akt gjenocidi, me të tjera duke përfshirë Rumaninë, Irlandën dhe Moldavinë.

Vizita e Morawieckit vjen rreth dy javë pasi një raketë e humbur goditi një fshat në Poloninë lindore, duke vrarë dy.

Hetuesit polakë kanë arritur në përfundimin se ka të ngjarë të jetë një raketë e mbrojtjes ajrore ukrainase që ka rënë, megjithëse ata insistuan se “incidenti tragjik… ndodhi për fajin e Rusisë”. Në atë kohë, Moska kishte bombarduar vendin me raketa. /Telegrafi/