Edi Rama ka mbetur vetëm, është shprehur kryetarja e LSI-së, Monika Kryemadhi në fjalën e mbajtur në protestën e opozitës së bashkuar.
“Për herë të parë jeta politike shqiptare në këto 27 vjet ka një politikan që është vetëm, vetëm e vetëm i rrethuar nga kukullat e tij, që nuk ia zgjasin dot jetën as edhe një minutë. Unë sot jam këtu si ju, si një nënë, si një grua, vajzë shqiptare që e do vendin e saj”, e nisi fjalimin Kryemadhi.
Kryeministri i drogës vijoi ajo, dëshiron t’u vërë njerëzve sahat edhe për frymën dhe ai meriton të largohet një orë e më përpara.
“Kryeministri ynë i drogës iu vuri sahatët e puseve që shqiptarët ndërtuan, për të pasur ujë, pasi askush nuk ua ofronte. Ky kryeminsitër që nuk i vuri sahate puseve të naftës, që vodhi gjakun e shqiptarëve, naftëtarëve, të gjithë atyre djemve shqiptarë, ky njeri do të vendosë sahat për frymën e shqiptarëve. Ky njeri që e donte tepsinë me vete, e ka dhe ta hajë me makaronat e tij dhe çdo gjë tjetër. Ky njeri që urren vendin e tij, familjen e tij, i cili nuk do flamuriun tonë, po tallet me të. Ky njeri duhet të ikë një orë e më përpara”, tha ajo.
Por Kryemadhi u kërkoi dhe një falje shqiptarëve. “Më lejoni t’ju kërkoj falje për gabimet që kemi bërë që i kemi dhënë shansin këtij njeriu 20 vjet që të tallet me shqiptarët. Të protestojmë jo vetëm në Tiranë, por në të gjithë Shqipërinë”, tha ajo.
“Sot dua t’u them me dorë në zemër, më shumë se kurrë kjo protestë ka një rëndësi të veçantë, ka një rëndësi sepse për të gjithë ata skeptikë që nuk besojnë tek opozita, të cilët nuk kanë shpresë te Shqipëria, sot kjo protestë i dha zemër, të gjithë atyre njerëzve, burrave dhe grave të cilët kanë bërë gati plaçkat për t’u larguar. Sot kjo protestë u jep zemër të gjithë atyre të rinjve dhe të rejave që e ardhmja e tyre është në Shqipëri, prandaj sot më shumë se kurrë ne jemi këtu të gjithë bashkë”, tha kryetarja e LSI-së.
Promo
Reklamo këtuLufta Prigozhin - Putin
Më shumëNga Rubrika
Haliti i PDK-së thotë se mund ta bëjnë Qeverinë bashkë me Kurtin
Kurti takon partnerët e koalicionit nga komunitetet joshumicë, flasin për zgjedhjet parlamentare
Qeveria i kërkon Komunës së Tetovës të ndërpresë punimet për stadiumin e ri, reagon Bilall Kasami
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251