Ministrja shqiptare e Financave dhe Ekonomisë, Delina Ibrahimaj deklaroi sot se qeveria përmes një Akti Normativ i është përgjigjur me masa konkrete situatës së krijuar në Shqipëri nga kriza energjetike në tregjet ndërkombëtare e më tej nga pasojat e luftës në Ukrainë.
Ibrahimaj prezantoi në Komisionin Parlamentar të Ekonomisë dhe Financave ndryshimet në buxhetin e vitit 2022, të cilat synojnë mbështetje buxhetore për sektorin e energjisë, transportit urban si dhe shtresave në nevojë.
Ndër të tjera, ministrja tha se parashikohet që inflacioni i përgjithshëm mesatar për vitin 2022 në tërësi do jetë rreth nivelit prej 4.5 për qind, ku pritet të kulmojë në tremujorin e dytë dhe fillimit të tremujorit të tretë.
Ndërkohë, sipas saj, nga viti 2023 e në vijim parashikohet që inflacioni mesatar vjetor do jetë rreth parashikimit të Bankës së Shqipërisë prej 3 për qind.
Sipas ministres, kjo situatë pritet të rezultojë në një rritje ekonomike më të ulët nga ajo e parashikuar në fillim të vitit prej 4.2 për qind.
“Objektivat e rritjes së qëndrueshme priten të rikthehen rreth nivelit prej 4 për qind nga viti 2023 e në vijim, sipas parashikimeve fillestare”, u shpreh Ibrahimaj.
Ajo shtoi se edhe në skenarët më pesimiste, ku këto goditje supozohen më të forta, sërish rezulton që ekonomia do të vijojë të ketë rritje pozitive këtë vit dhe të rikthehet në trendin normal në afatin e mesëm, dhe inflacioni të rikthehet në normalitet që vitin tjetër.
Duke u ndalur në treguesit e rishikuar të buxhetit, ministrja u shpreh se rishikimi ka si synim kryesor dhënien e mbështetjes buxhetore për sektorin e energjisë në shumën 20 miliardë lekë [162 milionë euro] duke çuar këtë shumë në 28 milliard lekë [266 milionë euro] për vitin 2022 si dhe financimin e një pakete ndihme për konsumatorët për të përballuar pasojat e rritjes së çmimeve të konsumit, e quajtur Paketa e Rezistencës Sociale ndaj pasojave të krizës, me kosto 6 miliardë lekë [48.5 milionë euro].
Sipas Ibrahimajt, të ardhurat e buxhetit të shtetit me këtë Akt Normativ rriten me 10 miliardë lekë [81 milionë euro] mbështetur në ecurinë pozitive të realizimit të planit të të ardhurave tatimore dhe doganore nga administrata fiskale, për 2 mujorin 2022 dhe në parashikimet për realizimin e tyre deri në fund të vitit.
Ndërkohë, tha ajo, shpenzimet buxhetore janë shkurtuar në masën 16 miliardë lekë [129 milionë euro] , nga të cilat rreth 6 miliardë lekë në shpenzimet korente dhe rreth 10 miliardë lekë në shpenzimet kapitale. Këtu, ministrja tha se janë prekur shpenzimet jo-prioritare, shpenzimet administrative dhe shpenzime të vlerësuara që mund të shtyhen në vitet në vijim.
Ministrja u shpreh se masat mbrojtëse për shtresat vulnerable të shoqërisë do të vijojnë në përputhje me situatën. /Telegrafi/
Promo
Reklamo këtuLufta Prigozhin - Putin
Më shumëU gjuajtën me armë derisa ishin në veturë, detaje nga rasti që ndodhi në Prishtinë
Policia serbe e dërgon në paraburgim mërgimtarin nga Gjakova që e arrestoi në kufi
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Kosova bëhet me 445 policë të rinj - deklarata e presidentes, kryeministrit dhe pamje nga ceremonia
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi