Për deputetët e PDK-së deklaratat e të dërguarit amerikan për Ballkanin Perëndimor, Gabriel Escobar, për raportet e tensionuara me kryeminstrin Kurti shpërfaqën një realitet që ndodh prej kohësh.
Deputeti i PDK-së Rashit Qalaj thotë se gjuha e të dërguarit amerikan nuk ishte aspak diplomatike në raport me Kurtin.
“Më erdh mirë që zoti Escobar e bëri një ndarje duke thënë se ‘kemi komunikim jo të mirë me Qeverinë e Kosovës’, derisa tha se kemi partneritet të mirë me popullin e Kosovës. Kjo ndarje është hera e parë që bëhet nga amerikanët. Nuk besoj se as votuesit e Kurtit e kanë këtë qëndrim. Mos të harrojmë se kush jemi ne pa Amerikën”.
Qalaj thotë se LVV nuk është hera e parë që i ka raportet e tensionuara me SHBA-në.
“Kujtojmë ballafaqimin e turmës me ambasadoren Tracy Jakobson, pastaj akuzat ndaj zotit Trump dhe të dërguarit të tij Grenell. Tash së fundmi kemi edhe problemet me administratën Biden”, ka deklaruar deputeti i PDK-së në RTV Dukagjini.
Edhe deputeti tjetër i PDK-së Hajdar Beqa thotë se deklarimin i Escobar ishte i qartë dhe sipas tij ai përfaqëson qëndrimin zyrtar të SHBA-së.
“Këto deklarata të Escobar janë shqetësuese dhe duket se kanë ardhur pas disa gabimeve që ka bërë qeveria e zotit Kurti”.
Ndryshe, i dërguari i Posaçëm amerikan për Ballkanin Perëndimor, Gabriel Escobar, tha të martën se “partneriteti ndërmjet Shteteve të Bashkuara dhe Kosovës është në mes të popullit amerikan dhe popullit të Kosovës dhe nuk varet nga një njeri apo një parti”, duke i bërë jehonë një qëndrimi të përsëritur ditëve të fundit nga zyrtarë amerikanë që bëjnë dallimin ndërmjet qeverisë dhe qytetarëve të Kosovës.
Ai i bëri këto komente në një bashkëbisedim me gazetarë nga Brukseli prej nga filloi një vizitë në Evropë, gjatë së cilës pritet të qëndrojë në Prishtinë, për të diskutuar rreth procesit të normalizimit të marrëdhënieve me Serbinë dhe çështjen e përdorimit të dinarit në zonat e banuara me shumicë serbe.
Shtetet e Bashkuara kanë kërkuar që Kosova të shtyjë zbatimin e vendimit, ndërsa kanë theksuar se mungesa e bashkërendimit lidhur me këtë çështje ka ndikuar në cilësinë e partneritetit ndërmjet të dy qeverive.
“Më duhet të them se aktualisht kemi problem komunikimi me kryeministrin (Albin Kurti) dhe ky nuk është problem vetëm i Shteteve të Bashkuara. Mendoj se është problem në komunikim që Kosova ka me Bashkimin Evropian, me NATO-n, me Britaninë e Madhe, me Shtetet e Bashkuara dhe shumë partnerë të tjerë, përfshirë Shqipërinë dhe Maqedoninë e Veriut”, tha zoti Escobar, duke theksuar se Shtetet e Bashkuara kanë pasur “një partneritet shumë, shumë të afërt me Kosovën në të kaluarën; do të na pëlqente shumë që ta kthejmë atë lloj marrëdhënie sërish siç ishte dikur”, ka deklaruar Escobar./Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit