Kostadinov: Të mos pengohet Ligji i ri për Prokurorinë Publike

Nëpërmjet një konference për shtyp, zëdhënësi i LSDM-së, Kostadin Kostadinov tha se “OBRM-PDUKM me të gjitha forcat dëshiron të vendos percepcion në publik se skandali ‘Haraçi’ është i ngjashëm me 11 vitet e regjimit të Gruevskit dhe Muckoskit”.

Sipas Kostadinov një gjë e tillë nuk do të ndodh për shkak se, siç thotë ai, LSDM nuk ka qenë dhe asnjëherë nuk do të jetë e njëjtë me OBRM-PDUKM-në dhe secili që ka shkelur ligjin do të japë përgjegjësi, njofton Telegrafi Maqedoni.

“Dallimi është i madh. Organet gjyqësore e kryejnë punën e vet në mënyrë të pavarur pa asnjë lloj trysnie nga pushteti ekzekutiv, që nuk ishte si në kohën e OBRM-PDUKM-së. Është dyfytyrësi që Molloshoski të akuzojë për krim kur për 11 vite ishte bashkëpunëtorë më i afërt i kryetarit të nderit të OBRM-PDUKM-së dhe shefit të vërtetë të partisë”, tha Kostadinov.

Lexo po ashtu Milloshoski: Deskoska të jep dorëheqje, gjatë mandatit të saj ka ndodhur skandali më i madh gjyqësor

Kostadinov kërkoi nga Mickoski dhe Milloshoski që t’i deklarojnë qëllimet e vërteta dhe deri kur do ta pengojnë Maqedoninë e Veriut dhe qytetarët e saj.

“Deri kur partia OBRM-PDUKM do t’i rrezikojë integrimet euroatlantike për t’i shpëtuar bashkëpartiakët e tashëm dhe të dikurshëm”, pyeti Kostadinov duke ju bërë thirrje deputetëve të opozitës maqedonase të mos pengojnë Ligjin e ri për Prokurori Publike./Telegrafi/