Kosova synon t’i rrisë kapacitetet e energjisë së ripërtërishme deri në 1,300MWh
Kosova po synon t’i rrisë kapacitetet e energjisë së ripërtërishme përmes Strategjisë për Energji të miratuar në Kuvendin e Kosovës.
Hulumtuesit e kësaj fushe thonë se parashihet që deri në vitin 2031, përpos kapaciteteve që Kosova i ka, të alokojë edhe 1,300MWh të tjera të gjenerimit të energjisë elektrike përmes burimeve të ripërtërishme të energjisë.
Vendi po aspiron për një tranzicion energjetik dhe dekarbonizim të plotë deri në vitin 2050. Kështu tha hulumtuesi i INDEP, Liron Gjocaj, i cili konsideron se përmes Strategjisë për Energji do të parashihet rritja e kapaciteteve të energjisë së ripërtërishme deri në 1,300MWh.
“Kemi projekte me erë si ai në Selac që u vu në funksion vitin e kaluar, ku prodhimi është 105MWh dhe ka ndihmuar shumë në sistemin e Kosovës. Mirëpo kjo nuk është e kënaqshme, duke e ditur se Kosova po aspiron për një tranzicion energjetik dhe dekarbonizim të plotë deri në vitin 2050”, tha Gjocaj.
“Përmes Strategjisë së Energjisë për Kosovën 2022-2031, parashihet që deri në vitin 2031 përpos kapaciteteve që Kosova i ka, të alokojë edhe 1,300MWh të tjera të gjenerimit të energjisë elektrike përmes burimeve të ripërtërishme të energjisë, në mënyrë që tranzicioni i energjisë të ndodhë sa më shpejt dhe që në vitin 2050 Kosova të jetë e dekarbonizuar si vend”, shtoi ai.
Gjocaj theksoi se INDEP ka propozuar investimeve në energjinë termike përmes ngrohtores së qytetit, që do të bënte që gjatë dimrit Kosova të ketë energji termike e mos të shfrytëzojë energji elektrike për ngrohje dhe kursimi i energjisë të jetë një synim i qartë.
Eksperti për çështje të energjisë, Lulzim Syla tha se për sa i përket nivelit makro ka një përparim në fushën e energjisë së ripërtërishme.
“Kemi projektin e fundit që do të quhet projekt me ankand ‘kush do të ofrojë çmimin më të lirë do të fitojë projektin prej 100MWh që do të jetë në regjionin e Rahovecit. Gjithashtu është proklamuar edhe një projekt në regjion të Gjakovës, do të ketë edhe projekte në fushën e efiçiences së energjisë për ngritjen e kapaciteteve të ngrohtoreve në 7 qytete në Kosovë”, tha Syla.
Mirëpo, Syla tha se duhet punohet më shumë në mbështetje të familjeve dhe që të rriten kapacitetet me qëllim që të ulet konsumi i energjisë elektrike dhe njëkohësisht të shfrytëzohen fondet që janë të ndara nga BE.
Ditë më parë është aprovuar edhe projekti për aplikimin e masave emergjente të efiçiencës së energjisë në sektorin rezidencial – shtëpitë individuale të banimit privat.
Bordi Drejtues i Fondit të Kosovës për Efiçiencё tё Energjisë, ka njoftuar se e ka aprovuar këtë projekt, i cili ka për qëllim mbështetjen e konsumatorëve familjarë përmes rritjes së efiçiencës së energjisë në shtëpitë individuale dhe financohet nga mjetet e Bashkimit Evropian të Pakos Emergjente, siguruar përmes Qeverisë së Kosovës me Marrëveshjen Financiare IPA III. /RTK/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit