Bregdeti malazez, më theks të veçantë qyteti shqiptar i Ulqinit, është një nga destinacionet e preferuara për kosovarët gjatë muajve të verës. Mirëpo, për familjet me fëmijë të vegjël, tashmë ka një problem tjetër. Fëmijët deri në moshën 16-vjeçare nuk mund të udhëtojnë me certifikatë të lindjes, por vetëm me pasaportë.
Mali i Zi, vitin që shkoi ka pezulluar vendimin e mëparshëm, në bazë të të cilit fëmijët nën moshën 18-vjeçare nga Republika e Kosovës, janë lejuar të kalojnë kufirin vetëm me certifikatë të lindjes.
Zëvendësministri i Turizmit në Malin e Zi, Armend Milla apeloi qytetarët në Kosovë që të respektojnë këtë vendim deri në një tjetër pasi kështu do të mund të shmangeshin tollovitë dhe keqkuptimet në pikat kufitare.
“Normalisht duhet respektuar ligjet dhe ajo është çështje kryesore. Qeveria e Kosovës ka arritur në nivel ku me pasaporta të jepen në një afat kohor sa më të shkurt dhe apeloj të gjithë qytetarët që të mos të presin momentin e fundit dhe të nxjerrin pasaportat për fëmijët e tyre, sepse në atë mënyrë edhe ne do të avancojmë dhe do të zvogëlojmë problemin e kufirit të Muriqanit dhe Sukubinës, i cili është një problem i madh”, tha Milla.
Autoritetet në Kosovë konfirmuan për KosovaPress se i kanë kërkuar Malit të Zi që të lejohet kalimi i fëmijëve edhe me certifikatë lindjeje, pasi është në interesin e përbashkët një gjë e tillë, ndërsa po presin për një përgjigje.
“Ne jemi në kontakt të afërt me homologët tanë… E kam takuar personalisht (Zëvendësministër i ekonomisë dhe turizmit nga Mali i Zi, Armend Milla) e kam paraqitur këtë kërkesë dhe është përgjigjur në mënyrë pozitive se do të kenë parasysh konsideratë për turistët tanë, sidomos gjatë sezonit të verës. Është në interes jo vetëm me Malin e Zi, por edhe me Shqipërinë, Maqedoninë, Bosnjën dhe me të gjitha vendet e rajonit që të kemi një ofertë turistike të përbashkët por edhe lehtësira në kalimin kufitar të qytetarëve tanë… Pritet një përgjigje pozitive por ta shohim sa herët është kjo përgjigje”, tha ministrja e Industrisë, Ndërmarrësisë dhe Tregtisë, Rozeta Hajdari.
Pika kufitare Muriqan-Sukobinë, që lidh Shqipërinë me Malin e Zi, ka fluksin më të madh pasi ajo preferohet edhe nga kosovarët.
Milla tha se kanë pasur disa takime me Ministrinë e Punëve të Brendshme për të diskutuar disa rregulla të reja, ndërsa u shpreh se ka pasur takime edhe me autoritetet në Shqipëri që regjistrimi i personave që kalojnë kufirin të bëhet vetëm një herë.
“Qeveria e Malit të Zi, kemi pasur disa takime me Ministrinë e Punëve të Brendshme, po ashtu me përfaqësues të kalimit kufitar, ku neve do aplikojmë disa rregulla të reja gjatë këtij viti, gjatë këtij sezoni turistik në mënyrë që turistet të mos presin aq shumë në kufi… 3:32 Ndërmjet tjerash kemi pasur një mbledhje qeverie të përbashkët me Shqipërinë, ku është diskutuar edhe kjo, sepse kufiri Muriqan-Sukubinë, janë dy pozita të policive dhe të dyja bëjnë të njëjtën procedurë. Në atë mënyrë jemi duke provuar për të rregulluar atë sistem që të jetë njësh, në mënyrë që regjistrimi të bëhet një herë dhe jo dy herë, por në momente të vështira kur është fluksi më i madh të mos bëhet regjistrimi fare”, shtoi Milla.
Në korrik të vitit të kaluar Mali i Zi ka marrë vendim që kalimi i kufirit për shtetasit e Kosovës të bëhet vetëm me dokumente të vlefshme udhëtimi.
Promo
Reklamo këtuLufta Prigozhin - Putin
Më shumëNga Rubrika
Diskriminim i personave me aftësi të kufizuara në Kosovë, që nga tekstet shkollore
Osmani: Mickoski mund ta ftojë VLEN-in për kafe, por në Qeveri mund ta marrë vetëm si pjesë e koalicionit “Maqedonia përsëri e jotja”
Voziti me fëmijë në prehër – policia e dënon me 400 euro gjobë, 5 pikë negative dhe i merret patent shoferi për 6 muaj
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
Në Gjakovë zbulohet monumenti i Skënderbeut
Gruaja që vdiq në Spitalin e Prizrenit ishte 24-vjeçare, shtatzënë
Lajçak tregon se çfarë përshtypje i kanë lënë Kurti dhe Vuçiq gjatë bisedimeve Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City