LAJMI I FUNDIT:

Kosova fiton vëllazëroren e futsallit ndaj Shqipërisë në turneun “Adem Jashari”

Kosova fiton vëllazëroren e futsallit ndaj Shqipërisë në turneun “Adem Jashari”
(Foto: ffk-kosova.com)

Skuadra e Kosovës e ka fituar trofeun e edicionit të 13-të të turneut tradicional në futsall në kujtim të Komandantit Legjendar të UÇK-së, Adem Jashari. Ky turne mbahet në çdo fillim të muajit mars në organizim të FFK-së, në kuadër të manifestimeve “Jetojmë me Lavdinë Tuaj”.

Dardanët fituan në përballje me Kombëtaren e Shqipërisë, me rezultat 6-3. Ndonëse një vëllazërore, ndeshja u përshkrua me angazhim maksimal nga të dyja ekipet dhe me lojë interesante.

Të parët në epërsi kaluan kuqezinjtë me golin e Narcis Alibegut, në minutën e gjashtë. Por, Dardanët arritën të përmbysin rezultatin me golat e Drilon Maxharrajt (9’) dhe Mërgim Dervishajt (13’), duke shkuar në pushim me epërsi 2-1.

(Foto: ffk-kosova.com)

Në pjesën e dytë të përzgjedhurit e Arben Simitçiut treguan lojë më të mirë dhe si rrjedhojë edhe e çuan rezultatin në 6-2, me golat e realizuar nga Melos Kelmendi (26’), Drilon Maxharraj (28’), Jeton Rukovci (31’ e 38’) dhe Ermir Kryeziu (32’).

Ndërkohë, kuqezinjtë përkundër angazhimit maksimal në minutat e mbetura nuk arritën të bëjnë më shumë se sa ta ngushtojnë avantazhin e vendasve në 6:3, me golin e Mentor Mejzinit.

(Foto: ffk-kosova.com)

Në fund trofeun kapitenit të Kosovës, Jeton Rukovci ia ndanë kryetari i Komisionit të Futsallit, Haki Xhemajli dhe nipi i Adem Jasharit, Hamëz Jashari, teksa të dyja ekipet shkëmbyen dhurata.

Para kësaj ndeshje u zhvillua edhe dueli ndërmjet Veteranëve të UÇK-së dhe Veteranëve të futbollit të Kosovës, e ku fituan veteranët e UÇK-së, me rezultat 3-1.

(Foto: ffk-kosova.com)

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori