Deputeti i Lëvizjes Vetëvendosje, Visar Korenica, është larguar nga pozita e Koordinatorit të Qendrës së kësaj partie në Rahovec.
E ky largim ka ardhur si shkak i votës së tij kundër Projektkodit Civil në Kuvendin e Kosovës.
Kështu tha ai duke shtuar se “shkarkimi s’ka ndodhur sot apo dje, por qysh në muajin prill”.
“Po, arsyeja është për shkak të qëndrimit tim ndaj Kodit Civil”, është shprehur Korenica, për Klan Kosova.
Tutje, ai paralajmëroi se derisa nuk do të ketë ndryshime në përmbajtjen e Projektkodit Civil, vota e tij do të jetë e njëjtë.
“Qëndrimi dihet tashmë. Nuk ndryshoj përderisa nuk e di përmbajtjen e re, nëse është përmbajtja e njëjtë atëherë edhe vota do të jetë e njëjtë”, është shprehur ai për Klankosova.tv.
Deputeti i partisë në pushtet tha se nuk është personi i vetëm i ‘sanksionuar’ në VV për shkak të qëndrimit kundër Kodit Civil, pasi që sipas tij, fatin e njëjtë e kanë pasur edhe disa deputetë tjerë.
“Ka pasur përjashtime edhe në zgjedhjet e fundit të brendshme të disa deputetëve që s’i kanë lejuar të kandidojnë për shkak të votës kundër Kodit Civil”, ka theksuar deputeti i VV-së, Visar Korenica.
Projektkodi Civil nuk ka kaluar në lexim të parë në Kuvendin e Kosovës kur u hodh në votim më 16 mars të këtij viti. 29 vota ishin kundër, 28 për dhe katër deputetë abstenuan. Në momentin e votimit, prezentë në sallë ishin 77 nga 120 deputetë, nga të cilët 16 nuk morën pjesë fare në votim.
Pika që deputetët kishin mospajtime ishte neni i cili do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.
Votat kundër ishin për të ndaluar që të mundësohet kjo bashkësi civile. Më herët edhe krerët e bashkësive fetare në Kosovë kishin kundërshtuar lejimin e “bashkësive civile”, pasi thanë se ripërkufizohet familja dhe martesa.
Ndërsa Valon Hoti koordinaor i qendrave të LVV-së, përmes një postimi në Facebook, sot ka mohuar shkarkimin e Korenicës, duke thënë se “askush nuk është shkarkuar dje në Rahovec”.
“Është ngarkuar me detyra dhe përgjegjësi koordinatori i ri i qendrës, prof. Ali Dula dhe grupi i ri punues. Është diskutuar për shtrirje të organizatës e forcim të strukturës. Çkado që shkruhet e thuhet ndryshe është e pavërtetë”, ka shkruar ai.
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit