Koreja e Jugut do të zhvillojë paradën e parë ushtarake në 10 vjet

Koreja e Jugut do të zhvillojë paradën e saj të parë ushtarake në shkallë të gjerë në një dekadë – me armë dhe pajisje nëpër rrugët e Seulit – në një shfaqje të rrallë të forcës.

Sipas mediave të huaja, përcjell Telegrafi, parada përgjatë një rruge 2 km përmes rrethit kryesor tregtar dhe të biznesit të kryeqytetit do të fillojë në orën 16:00 të martën për të shënuar Ditën e Forcave të Armatosura, zakonisht një rast i heshtur në Korenë e Jugut.

Gati 7,000 trupa pritet të marrin pjesë, ku vendi do të tregojë më shumë se 340 pjesë të pajisjeve ushtarake, duke përfshirë tanke, artileri vetëlëvizëse dhe aeroplanë sulmues dhe drone, sipas ministrisë së mbrojtjes.

Parada vjen ndërsa presidenti Yoon Suk-yeol dëshiron të tregojë forcën para Koresë së Veriut, e cila ka kryer dhjetëra teste të ndaluara të armëve këtë vit.

Duke folur në bazën ajrore Seongnam në periferi të kryeqytetit, Yoon paralajmëroi Phenianin për një “përgjigje dërrmuese” që do t’i jepte fund regjimit nëse përdor armë bërthamore. /Telegrafi/