LAJMI I FUNDIT:

Koreja e Jugut raporton rastin e parë të infeksionit të “amebës që ha trurin” – infeksionit të rrallë, por shumë vdekjeprurës

Koreja e Jugut raporton rastin e parë të infeksionit të “amebës që ha trurin” – infeksionit të rrallë, por shumë vdekjeprurës

Koreja e Jugut ka identifikuar rastin e parë të infeksionit Naegleria fowleri.

Sipas mediave të huaja, përcjell Telegrafi, një burrë rreth të 50-tave, i cili vdiq 10 ditë pasi shfaqi simptomat e infeksionit të rrallë, por shumë vdekjeprurës, dyshohet se ishte ekspozuar ndaj “amebës që ha trurin” në Tajlandë.


Agjencia Koreane e Kontrollit dhe Parandalimit të Sëmundjeve (KDCA) konfirmoi, të hënën, se burri korean, i cili kishte qëndruar në Tajlandë për katër muaj përpara se të hynte në Kore më 10 dhjetor, vdiq pasi u infektua me Naegleria fowleri.

Pacienti filloi të shfaqte simptoma të meningjitit, si dhimbje koke, ethe, të vjella, të folur të paqartë dhe ngurtësim të qafës në mbrëmjen e mbërritjes dhe u transferua në urgjencë të nesërmen.

Pasi u shpall i vdekur më 21 dhjetor, autoritetet shëndetësore kryen teste të mëtejshme për të konfirmuar shkakun e saktë të vdekjes, i cili u zbulua se ishte një infeksion “Naegleria fowleri”.

Ky raportohet të jetë rasti i parë zyrtar i një infeksioni të tillë në Kore.

KDCA ende nuk e ka zbuluar rrugën e saktë të transmetimit, por vuri në dukje se noti në ujë të kontaminuar ose shpëlarja e hundës me ujë të pasigurt janë shkaqet kryesore të infeksionit.

“Naegleria fowleri” është një amebë njëqelizore, që zakonisht gjendet në ujërat e ngrohtë të freskët si liqene, lumenj dhe pellgje.

Ajo mund të hyjë në trupin e njeriut përmes hundës dhe shkakton një infeksion të rrallë dhe kërcënues për jetën e trurit.

Shkalla e vdekshmërisë në raste të tilla thuhet se tejkalon 97 për qind, por infeksioni nuk përhapet midis njerëzve.

Pasi u zbulua për herë të parë në vitin 1965 nga patologu australian Malcom Fowler, gjithsej 381 raste të infeksionit Naegleria fowleri janë identifikuar në mbarë botën që nga viti 2018.

Në Shtetet e Bashkuara, vetëm katër nga 151 gjithsej individë të infektuar të njohur kanë mbijetuar deri më 2020.

Ekspertët lokalë të mikrobiologjisë thanë se koreanët nuk duhet të jenë tepër të shqetësuar për rastin e parë, pasi paraziti nuk ka gjasa të ekzistojë në vend.

Por ata paralajmëruan se numri i rasteve në mbarë botën po rritet. /Telegrafi/

Në trend Botë

Më shumë
Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët

Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët

Bosnja
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan

Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan

Evropa
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën

Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën

Botë
Pamje të Dubait nga hapësira – ja si dukej, para dhe pas përmbytjeve

Pamje të Dubait nga hapësira – ja si dukej, para dhe pas përmbytjeve

Botë
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët

Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët

Evropa
E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë

E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë

Botë
Kalo në kategori