Kampi komunist nuk u shemb vetëm për shkak të krizës ekonomike, që u thellua brenda tij. Nuk ra as vetëm për shkak të dhunës, shtypjes e represionit që diktatorët komunistë shkaktuan për gjysmë shekulli kundër popujve të tyre. Komunizmi ra kur udhëheqjet e partive komuniste “motra”, gjithmonë sipas mentorimit nga Kremlini dhe përmes shërbimeve të tyre sekrete, survejonin anët më intime në familjet e intelektualëve dhe disidentëve.
Shkas për këtë shkrim është vizita këto ditë në kryeqytetin norvegjez e liderit shpirtëror të Lëvizjes Vetëvendosje bashkë me familjen e tij. Në fillim lajmi padrejtësisht mori dhenë në mediat kosovare. Puna u pështiros aq shumë sa me vizitën e tij në Norvegji u morën edhe përfaqësuesit e partive më të mëdha politike në Kosovë!
Me Serbinë, shqiptarët janë në luftë që nga viti 1876. Kushdo që pretendon se konflikti shqiptaro-serb ka marrë fund, duhet të jetë pjesë e kampit injorant. Për gati një shekull e gjysmë luftërash me Serbinë, shqiptarët janë përballur me ekzekutime individuale e kolektive, me dëbime dhe masakra kolektive. Shqiptarët më së shumti gjatë këtyre konflikteve janë goditur kur u është cenuar dinjiteti familjar.
Gjatë periudhës 1991-’99, më saktë gjatë kohës kur punoja në Qendrën për Informim të Kosovës, e kam përcjell veprimtarinë e Policisë dhe Ushtrisë serbe në Kosovë. Në kontakte të çdoditshme me shqiptarët e cenuar në dinjitet familjar, më ka provokuar kjo çështje e cila si rezultat i angazhimit për disa vjet, më vonë është bërë pjesë e analizës sime.
Nga viti 1990 deri natën e 24 marsit të vitit ’99 kur filluan sulmet e Aleancës veriatlantike kundër caqeve serbe në Kosovë, regjimi policor serb ndërmori fushatë represive me pretekst të kërkimit të armëve. Fushata rezultoi e suksesshme për regjimin policor serb dhe ishte vazhdimësi e projektit të satrapit dhe ministrit të Brendshëm të ish-federatës jugosllave, Aleksandar Rankoviq. Këtë model represiv kundër shqiptarëve, Rankoviq e instaloi nga viti 1945 deri në prill të vitit 1966 kur ra nga pushteti.
Modeli i satrapit Rankoviq i shkoi për shtati tiranit Milosheviq. Politikanët dhe analistët e shërbimit sekret serb, erdhën në përfundim se shqiptarët më shumë se nga dhuna e represioni, goditen kur u cenohet dinjiteti familjar. Gjatë viteve të regjimit policor serb të tiranit Millosheviq, kur Policia serbe në Kosovë ndërmerrte mesatarisht njëzet aksione brenda natës me pretekst të kërkimit të armëve, aksionet i kryente kryesisht në orët e mesnatës. Viktimat e tyre, pra shqiptarët, cenoheshin në dinjitet në kohën kur gjendeshin në shtrat me bashkëshortet e tyre, që fundja ishte njerëzore. Ishin policët serbë ata që “aksidentalisht” zbulonin trupin e bashkëshortëve, derisa përmbysnin gjithçka gjatë bastisjeve në familjet shqiptare.
Këto veprime të Policisë serbe preknin thellë në dinjitet njerëzor e familjar. Pikërisht për këtë arsye, shqiptarët pa as më të voglin hezitim hidhnin trastën mbi supe dhe merrnin udhën e mërgimit. Nga kjo metodë represive e regjimit policor serb, pra nga dhuna sistematike dhe nga cenimi i dinjitetit familjar, gjatë periudhës së fundit të okupimit serb nga Kosova u larguan hiç më pak se rreth 600 mijë shqiptarë.
Kur vajza e Albin Kurtit do të bëhet dalzotësja e vetes, do të kuptojë se kur ishte e mitur, në shkurt të vitit 2017 i është cenuar privatësia familjare. Një injorant e ka fotografuar atë dhe babain e saj, derisa shëtisnin në një shesh të bukur në kryeqytetin norvegjez në Oslo. Do të kuptojë po ashtu se në vitin 2017 Kosova vetëm në letër kishte parti të djathta, pasi ato nuk i respektonin katër shtyllat kryesore të demokracisë, njëra ndër kryesoret familja. Me keq se kjo, në esencë të gjitha ishin po aq të majta sa partia e babait të saj…
Lufta Prigozhin - Putin
Më shumëA di të ndalet ky Ronaldo? Çfarë goli me këmbën e majtë
Pse Real Madridi dhe Barcelona mund të përjashtohen nga Liga e Kampionëve
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Hazard më në fund i kundërpërgjigjet Kroosit për deklaratën goditëse rreth formës së belgut te Real Madridi
Njihuni me bukuroshet shqiptare që morën vëmendjen e të gjithëve në Allianz Arena
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës