Pjesëtarë të komunitetit egjiptas në Kosovë, kanë protestuar sot para Qeverisë dhe Kuvendit të Kosovës duke kërkuar punësim dhe të drejta të barabarta me të gjitha komunitetet tjera në vend.
Me një protestë paqësore, ata kanë hapur Javën e Egjiptasëve duke u thënë institucioneve se janë të aftë të punojnë në të gjitha profesionet, dhe jo vetëm të qëndrojnë pranë kontejnerëve dhe semaforëve në rrugë.
Me parulla “Meritojmë të jetojmë dinjitetshëm”, “Duam të jetojmë të barabartë stop diskriminimit”, “Ngjyra ime ka vlerë është dhuratë nga Zoti”, “Jam komunitet, por kam identitet”, ata kanë kërkuar nga institucionet që t’i trajtojnë të barabartë me të gjithë.
Smajl Demaj, aktivist në këtë organizim, tha se gjatë një viti diskriminohen e më 24 qershor shënojnë ditën e tyre. Ai tha se përbuzen veç pse ‘janë me ngjyrë’ dhe kërkojnë lëmoshë.
“Duam të trajtohemi të barabartë, të jetojmë të barabartë, nuk duam diskriminim, duam punë dhe nuk duam lëmoshë, duam të trajtohemi në mënyrë të drejtë. Duam edhe ne të kemi të drejta nëpër institucione, duam të jemi edhe ne ushtar, polic, nuk duam të jemi djem dhe vajza të kontejnerëve, të semaforët, por të jemi të trajtuar në mënyrë të barabartë dhe të arsimuar në mënyrë të barabartë”, tha Demaj.
Demaj, në emër të tyre, lexoi deklaratën e përbashkët, ku u bëri thirrje institucioneve që t’i marrin parasysh, meqë siç tha ai, dinë të bëjnë edhe punë të tjera, por nuk u jepet mundësia.
“Jam komunitet, por kam identitet, jam komunitet, por nuk jam skllav e as nuk dua të jem mostër e skllavërisë në kohën moderne e në demokraci. Edhe sa 24 qershor të tjerë duhet të vijnë e të dalim këtu në shesh dhe të bërtasim se duam sundimin e ligjit, që dua që ligjet për të më mbrojtur me Kushtetutë të respektohen, asgjë më shumë. Edhe sa duhet të bërtasim t’u tregojmë se nuk jemi djem dhe as vajzat e kontejnerëve dhe as semaforëve. Edhe ne dimë të drejtojmë një laps dhe të kemi dituri, dhe këtë nuk mund ta bëjmë, sepse me barkun e uritur nuk mësohet”, tha ai.
Në fund të protestës, aty ka dalë Besnik Tahiri në emër të kryeministrit Ramush Haradinaj, të cilët i ka uruar për ditën e tyre.
Ndryshe, në kuadër të Javës së Egjiptasve në Kosovë do të shënohet edhe Dita nacionale e këtij komuniteti më 24 qershor. /KP/Telegrafi/
Lufta Prigozhin - Putin
Më shumëKomuna e Graçanicës me standarde të dyfishta, Gashi: Shqiptarët po përjashtohen nga lejet e ndërtimit
Escobar për anëtarisimin e Kosovës në KiE: Kemi dëgjuar se ka shqetësime për Asociacionin
ShBA-të mirëpresin vendimin për kalimin nga patentë shoferët ilegal në RKS
Kurti: Kushtëzimi i anëtarësimit në KiE me Asociacionin është absurd
Kusari-Lila e shqetësuar pasi i akuzuari që e kanosi arrin marrëveshje me prokurorinë për pranim të fajësisë
Deputeti gjerman: Ndërlidhja e Asociacionit me anëtarësimin e Kosovës në KiE do të ishte gabim i rëndë, shtetet perëndimore nuk mësuan nga gabimet e së kaluarës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?