Komuna e Gazi Babës ka ndërmarrë masa për mbrojtje nga vërshimet e mundshme

Komuna e Gazi Babës së bashku me Drejtorinë për mbrojtje dhe shpëtim kanë filluar aksionin për uljen e kërcënimeve nga vërshimet.

Palët do të punojnë në edukimin e banorëve, e posaçërisht të rinjtë për atë se si të pengohen vërshimet në rajonet më të rrezikuara, si edhe për masat e patjetërsueshme, përcjell Telegrafi Maqedoni.

Gjithashtu, në Malin e zi të Shkupit, komuna e Gazi Babës ka shpallur 3441 hektarë tokë, si hapësirë erozive dhe që do të pyllëzohen, njiherit duke i rregulluar edhe kanalet për ujrat e të reshurave. Njikohësisht është përgatitur studimi për zgjidhjen e problemit me të rreshurat e rrëkeshme në Malin e zi të Shkupit.

Komuna ka porositur një zgjidhje teknike për një kanalizim të ri në qarkoren në veri, që për qëllim ka mbledhjen e të gjitha ujrave nga Mali i zi i Shkupit.

Për këto masa, kontributin e tyre duhet ta japin edhe banorët e komunës në fjalë, duke mbajtur pastër mjedisin jetësor, pra të mos hedhin mbeturina në shtratet e lumenjve dhe në kanalizimet./Telegrafi/