Klubi kinez në momentin e fundit heq dorë nga Iniesta, spanjolli transferohet në Vissel Kobe

Andres Iniesta do të luajë tre sezonet e ardhshme në ligën japoneze, përkatësisht në skuadrën e Vissel Kobes, në pronësi të Hiroshi Mikitani, CEO i Rakuten, kompania që sponsorizon Barcelonën.

Marrëveshja, e cila do të bëhet zyrtare në fund të këtij sezoni, do të lidhë mesfushorin e Fuentealbilla me ekipin japonez për tre sezone, ku spanjolli do të arkëtojë 25 milionë euro për çdo vit.

Fati i Iniestas u zbulua nga revista Cadena SER, e cila shtoi se marrëveshja përfshin krijimin e një qendre trajnimi lojtarësh duke ndjekur parimet e La Masias, e cila do të mbikëqyret nga teknikët e FC Barcelonës dhe do të ketë imazhin publik të Iniestas.

Ky i fundit njoftoi dy javë më parë synimin për të lënë klubin katalunas pas 22 vjetësh, ku tërthorazi tregoi se të ardhmen e sheh në Kinë, përkatësisht te ekipi i Chonquing Dandgai Lifanit, por në momentet e fundit nuk u arrit marrëveshja dhe futbollisti ka zgjedhur të luajë në JLS.

“Në spekulimet për ardhjen e Iniesta në Chongqing Dangdai Lifan, klubi kujton se do të këmbëngul për investime racionale. Ne nuk do të dalim kundër politikës së shpenzimeve të Federatës apo të prishim tregun e transferimeve. Do të thellojmë bashkëpunimin me Andres Iniestan, por ai nuk do të bashkohet me ne si lojtar”, tha presidenti i Chonquing Dandgai Lifanit, Gong Daxing

Lexo po ashtu Miqësia mbi të gjitha, Iniesta ia dhuroi Ramosit fanellën e 'El Clasicos' së fundit

Mesfushori kishte oferta të shumta edhe nga ekipet e MLS të SHBA-së dhe sidomos skuadrat evropiane, por lojtari e kishte bërë të qartë në ditën kur njoftoi largimin se nuk do të luante në një ekip që potencialisht një ditë do të luajë kundër Barcelonës, kështu që hoqi për t’u paraqitur në ndonjë skuadër të Kontinentit të Vjetër.

Theksojmë se 33-vjeçari shpreson të kthehet në Barcelonë sapo kontrata t’i përfundon me japonezët dhe t’i bashkohet strukturave teknike të klubit blaugrana, ndoshta si përgjegjës për qendrën e trajnimit të vlerave të reja, një detyrë që do ta bëjë në Kobe falë marrëveshjes së nënshkruar mes klubit japonez dhe katalunsave. /Telegrafi/

Lexo po ashtu Fatmir Limaj takohet me presidentin e Barcelonës, e fton ta vizitojë Kosovën