Kërkesat e blerësit janë gjithmonë të larta që do të thotë se ata duan të blejnë një pronë në të cilën do të duhet të bëjnë sa më pak investime.

Por ka të tillë që kërkojnë prona të lira në të cilat nevojiten investime të mëdha.

Sidoqoftë, në këtë rast kemi të bëjmë me një lloj më ndryshe të një prone.

Bëhet fjalë për një pronë e cila kërkon sakrificë të dyfishtë – të investoni para dhe të përballeni me papastërtinë që mbretëron brenda.

Me dy dhoma gjumi, kjo shtëpi në Glasgowin Veri-Perëndimor është një me çmimin e saj prej 69,000 funtesh (rreth 82 mijë euro), por ky çmim i ulët pasqyron punën e gjerë që duhet bërë brenda, përcjell Telegrafi.

Fotografitë në internet tregojnë dhomën e ndenjes të mbushur me qese plehrash dhe sende të hedhura, ndërsa njollat e errëta mbulojnë njësitë e rrëmujshme të kuzhinës.

Ekzistojnë gjithashtu prova të dëmtimit nga tymit ose zjarri, pasi fotografitë tregojnë letër-muri të qëruar dhe orendi të nxira në një dhomë së bashku me pllakat e njollosura të tavanit dhe bojërat.

Nga dyshemetë e zhveshura deri te punimet e kalbura të drurit dhe te muret e mbushura me myk, është e qartë të shihet pse çmimi i shtëpisë është si është – si dhe pse ankandët kanë theksuar se ajo është ‘aktualisht e papërshtatshme për banim’.

Pavarësisht nga dëmtimi i qartë i shtëpisë, vendndodhja e saj shton tërheqjen e saj.

Pranë Universitetit të Glasgow dhe Spitalit të Përgjithshëm Jugor, është e lehtë për studentët ose stafin, dhe lagjja Maryhill ka shkolla të mira dhe shumë gjëra të tjera aty pranë.

Pronat në të njëjtën rrugë të shitura kohët e fundit nga Online Property Auctions Scotland kanë shkuar për më shumë se 150,000 £, kështu që sigurisht që ka fitim për t’a blerë. /Telegrafi/