Një rekord i ri është thyer nga një kafshë shtëpiake në Londrën juglindore si macja më e vjetër e gjallë në botë.

Macja e cila i ka 26 vjet, u konfirmua si macja më e vjetër nga Guinness World Records, dhe kjo përkthehet me 120 vjet me moshën e njeriut, transmeton Telegrafi.

Pronarja e maces, Vicki Green e përshkroi tha se ajo është “një mace e mahnitshme”, të cilën e mori pasi u ristrehua nga Cats Protection.

Vicki tha se Flossie është e shurdhër, ka shikim të dobët, por është ende e dashur dhe lozonjare.

“E dija që në fillim se Flossie ishte një mace e veçantë”, tha Green.

Reklama

“Por nuk e imagjinoja dot se do ta ndaja shtëpinë time me një rekorde të Guinnessit”, vazhdoi ajo. /Telegrafi/

Reklama