Kim Kardashian mban fjalim në Shtëpinë e Bardhë, flet për reformat në drejtësi

Ylli botëror, Kim Kardashian West, është kthyer sërish në Shtëpinë e Bardhë për të folur për reformat në drejtësi.

West e cila ka avokuar për çështje të reformës së drejtësisë penale, me anë të një videoje të ndarë me ndjekësit ka treguar qëllimin e saj.

“Unë po shkoj në Shtëpinë e Bardhë për të folur për rastin e dytë të punësimit dhe rikthimit”, ka thënë ajo, duke shtuar se ishte “e nderuar që të jetë pjesë e njoftimit se administrata dhe sektori privat po rriten dhe po krijojnë mundësi që këta burra dhe gra të kenë suksese pas daljes nga burgu”.

Second Chance Hiring & Re-entry event at the White House today pic.twitter.com/kEUgqITmIE

— Kim Kardashian (@KimKardashian) June 13, 2019

Në fjalimin që ka mbajtur 38-vjeçarja, ka theksuar përkrahjen e saj për programin “Second Chance” që i ndihmon në ikuadrimin e të burgosurve në punë pas lirimit nga burgu.

Gjatë kësaj konference ajo nuk ka harruar të falënderoj po ashtu edhe presidentin për punën që vazhdon ta bëjë në këtë drejtim.

Kardashian ka qenë edhe disa herë të tjera në Shtëpinë e Bardhë ku ka diskutuar me Donald Trumpin çështjet e të burgosurve, madje ajo e bindi presidentin që t’ia falë dënimin me burgim të përjetshëm 63-vjeçares, Alice Marie Johnson. /Telegrafi/