Kia shkakton huti me logon e saj të re: Njerëzit po kërkojnë një markë veturash që nuk ekziston

Kishte një numër të madh njerëzish që u hutuan nga logoja e re e Kia.

Ndonëse prej muajsh ka qenë në veturat Kia të modelit të ri, logoja e re e markës koreane ka ngatërruar shumë njerëz, veçanërisht ata më pak të njohur me industrinë e automobilave. Kia, si shumica e markave të tjera të makinave, vendosi të ndjekë trendet, kështu që ndryshoi logon e saj.

Receta është e njohur, që është mungesa e efektit 3D dhe thjeshtimi ekstrem i vetë logos për t’u përshtatur në teknologjitë e reja dixhitale. Kia “i ka shkuar pak” aty, ndaj përveçse e ka fshirë, ka ndryshuar pak pamjen e shkronjave dhe i ka bashkuar ato.

the new kia logo is so unreadable that at least 30k people a month search for the "KN car" ever since its debut pic.twitter.com/jRj25JoAPp

— Ashwinn (@Shwinnabego) November 17, 2022

Besoni apo jo, ka nga ata që thjesht nuk i njohin më germat e markës koreane, ndaj në vend të “KIA” shohin “KN”. Në të njëjtën kohë, “N e përmbysur” ose “I” cirilike nuk i pengon ata të kërkojnë “KN” në motorin e kërkimit.

Dhe vërtet ka shumë të tillë, ndaj përdoruesi i Twitter @Shwinnabego thekson se çdo ditë shumë njerëz hyjnë në motorin e kërkimit “KN car”, “KN SUV” dhe të ngjashme. Amerikanët janë edhe më konfuz, ndaj shkruajnë “What is KN car brand”, “What is KN”, por edhe emra specifikë modelesh si “KN Carnival car” dhe “KN Telluride car”. Konkretisht, çdo muaj termi “KN Car” futet në motorin e kërkimit rreth 30 mijë herë, që do të thotë se pothuajse çdo minutë dikush pyet se për çfarë marke veture bëhet fjalë.

Po të shtojmë edhe derivatet e tjera, ka një numër të konsiderueshëm të atyre që “humbën në përkthim”. Të njëjtën gjë tregon edhe Google Trends, ndaj në vitin 2021, me ardhjen e logos së re, vërehet një rritje drastike e interesit për markën KN.

Sidoqoftë, në Kia ata nuk duhet të shqetësohen, sepse marka koreane futet saktë nga mbi 1.8 milion përdorues çdo ditë sipas hulumtimit të Tyre Meets Road. /Telegrafi/