Misioni paqeruajtës i NATO-s në Kosovë, KFOR, i ka bërë thirrje Kosovës dhe Serbisë që të përmbahen nga veprimet përshkallëzuese dhe retorika përçarëse dhe të angazhohen në mirëbesim në dialogun e lehtësuar nga Bashkimi Evropian.
Aktualisht situata në Kosovë, sipas këtij misioni, është e qetë por vazhdon të mbetet e brishtë.
Kryeministri i Kosovës, Albin Kurti, më 21.03.2024, ka deklaruar se njësi të specializuara të ushtrisë së Serbisë janë vërejtur vetëm disa metra larg kufirit me Kosovën, duke i vlerësuar ato veprime si “provokime të qëllimshme”.
KFOR thotë se pas tensioneve të fundit, kanë dislokuar rreth 1000 trupa shtesë në Kosovë dhe ka rritur prezencën në veri të Kosovës.
“Gjithashtu kemi trefishuar numrin e patrullave duke përfshirë ato përgjatë vijës kufitare administrative. Prandaj, KFOR-i ka një prani fleksibil dhe të dukshme në mbarë Kosovën, gjë që i mundëson misionit tonë të monitorojë nga afër çdo zhvillim të rëndësishëm të sigurisë dhe t’i përgjigjet të gjitha situatave që ndikojnë në një mjedis të sigurt”, thuhet në përgjigjen e KFOR-it për Kallxo.com.
Misioni paqeruajtës thotë se është i gatshëm t’i ndërmarrë të gjitha masat e nevojshme për të siguruar mjedis të sigurt për të gjithë njerëzit që jetojnë në Kosovë.
“Ne do të vazhdojmë ta bëjmë këtë përmes mjeteve të ndryshme, duke përfshirë – ndër të tjera – patrullimet, angazhimet me popullatën vendase dhe dialogun e rregullt me një gamë të gjerë homologësh- përfshirë përfaqësuesit e organizatave të sigurisë në Kosovë, shefin e Shtabit të Armatosur të Serbisë, Misionin e BE-së për Sundimin e Ligjit (EULEX), Misionin e Kombeve të Bashkuara në Kosovë, OSBE-në dhe trupin diplomatik”, është përgjigjur KFOR-i.
Për më tepër, KFOR-i thekson se vepron në koordinim të ngushtë me Policinë e Kosovës dhe EULEX-in, respektivisht si reagues i parë dhe i dytë i sigurisë.
KFOR-i thotë se do të vazhdojë të krijojë kornizën e sigurisë të nevojshme në mbështetje të dialogut të lehtësuar nga BE-ja, në mënyrë që çështjet e pazgjidhura të zgjidhen për të mirën e të gjitha komuniteteve.
“Ne besojmë se të gjitha palët duhet të përmbahen nga veprimet përshkallëzuese dhe retorika përçarëse dhe të angazhohen në mirëbesim në dialogun e lehtësuar nga BE. Siç tha Sekretari i Përgjithshëm i NATO-s, Jens Stoltenberg, gjatë vizitës së tij në rajon nëntorin e kaluar, ‘stabiliteti varet nga të gjitha palët që zgjedhin dialogun dhe diplomacinë në vend të konfliktit dhe dhunës’”, është theksuar nga KFOR-i.
Ndihmës Sekretari Amerikan i Shtetit, James O’Brien ka deklaruar se presidenti i Serbisë, Aleksandar Vuçiq e di mirë se çfarëdo përdorim i forcës ndaj Kosovës do të ishte i papranueshëm.
Kështu tha O’Brien në një takim online me gazetarë, duke shtuar se çdo përdorim i forcës nga ana serbe, do i vente në rrezik ushtarët e NATO-s që janë në Kosovë.
“Në Serbi, presidenti Vuçiq e di mirë se çfarëdo përdorim i forcës ndaj Kosovës do të ishte i papranueshëm pasi kjo i vë në rrezik ushtarët e NATO-s që janë atje për të mbrojtur popullatën qoftë serbe apo dhe shqiptare. Këto ushtrime ne po i gjurmojmë ato por se çështja kyçe këtu është se palët duhet t’i reduktojnë tensionet në regjion, edhe ato veprime që nuk ndërlidhen direkt me ushtrimet e [ushtrisë]”, tha O’Brien.
Kryeministri Kurti ka thënë se janë të vetëdijshëm se Forcat e Armatosura të Serbisë janë duke realizuar stërvitjet e rregullta, por ka shprehur bindjen se ato janë duke i përdorur si pretekst për të shkaktuar provokime të qëllimshme në afërsi të kufirit me Kosovën.
Kurti ka njoftuar se janë duke i vëzhguar me kujdes trupat serbe se a do të përpiqen ta kalojnë kufirin, gjersa theksoi se edhe ky afrim i automjeteve të tyre ushtarake nuk është normal.
Ndërkaq, Kryetari i Komisionit për zbatimin e Marrëveshjes Ushtarako-Teknike (Marrëveshja e Kumanovës), Zoran Jovanoviq, i ka quajtur “vazhdimësi e fushatës dezinformuese drejtuar kundër Forcave të Armatosura të Serbisë”, deklaratat e kryeministrit Kurti.
Ai ka thënë se ushtria serbe po kryente detyra të rregullta për sigurimin e kufirit dhe kontrollin e zonës së sigurisë tokësore, që sipas tij, janë në përputhje me marrëveshjet ushtarako-teknike dhe të gjitha marrëveshjet e tjera të nënshkruara.
Më 24 shtator 2023, në Banjskë të Zveçanit u krye një sulm terrorist nga pjesëtarët e një grupi të uniformuar serbësh, ku mbeti i vrarë polici i Kosovës, Afrim Bunjaku, një polic tjetër u plagos dhe një tjetër u lëndua.
Përgjegjësinë për sulmin e kishte marrë ish-nënkryetari i Listës Serbe, Milan Radoiçiq ndaj të cilit më 06.12.2023, INTERPOL lëshoi fletarrestim për Radoiçiqin. /Kallxo.com/
Lufta Prigozhin - Putin
Më shumëNga Rubrika
“Nuk ka logjikë që një njeri mos me dal me thanë ne besojmë në drejtësi”, Tahiri i AAK-së me kritika për Qeverinë Kurti për rastet e dyshuara të korrupsionit
Britania e Madhe kërkon t’i kushtohet më shumë vëmendje rreziqeve të konfliktit në Ballkan
VLEN: Gjykata Administrative ka pranuar ankesën për vendvotimin në Likovë
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit