LAJMI I FUNDIT:

Skenarët e mundshëm – ja çfarë mund të ndodhë me Grupin Wagner pas dështimit të rebelimit të armatosur në Rusi

Skenarët e mundshëm – ja çfarë mund të ndodhë me Grupin Wagner pas dështimit të rebelimit të armatosur në Rusi

Brenda 36 orëve, kryengritja e armatosur e grupit paraushtarak Wagner kundër komandës ushtarake ruse përfundoi.

Grupi ishte rreth 200 kilometra larg Moskës pasi u arrit një marrëveshje e supozuar që do të shihte udhëheqësin e tyre, ish të dënuarin Yevgeny Prigozhin, të shkonte në mërgim në Bjellorusi.

Tani, e ardhmja e saj ka mbetur “në balancë”.

Si erdhi deri te armiqësia ndërmjet forcave mercenare Wagner dhe ushtrisë ruse
Lexo po ashtu Si erdhi deri te armiqësia ndërmjet forcave mercenare Wagner dhe ushtrisë ruse

Ekspertët besojnë, megjithatë, se kryengritja e dështuar nuk do t’i japë fund ushtrisë së mercenarëve, e cila ka një prani jo vetëm në Evropën Lindore, por në të gjithë Afrikën dhe Lindjen e Mesme, shkruajnë mediat e huaja, përcjell Telegrafi.

Por çfarë mund të ndodhë me grupin?

Disa po i bashkohen Prighozinit në Bjellorusi

Në një fjalim drejtuar kombit në fillim të kësaj jave, presidenti rus Vladimir Putin tha se luftëtarët e Wagner mund të regjistrohen në ushtrinë ruse, të “ndjekin” Prigozhin në Bjellorusi ose të kthehen në shtëpi.

Rreth 1000 luftëtarë Wagner kanë vendosur tashmë të shkojnë në Bjellorusi, raportoi media e pavarur ruse Meduza, duke cituar një burim në Ministrinë e Mbrojtjes së Rusisë.

Shërbimet e inteligjencës britanike vlerësuan se rreth 8,000 mercenarë ishin të përfshirë në marshimin në Moskë.

Putin ua ofron tri opsione mercenarëve të Wagner që morën pjesë në "kryengritjen" në Rusi
Lexo po ashtu Putin ua ofron tri opsione mercenarëve të Wagner që morën pjesë në "kryengritjen" në Rusi

Por Business Insider thotë se nuk është në gjendje ta verifikojë këtë numër në mënyrë të pavarur.

Ndërkohë presidenti i Bjellorusisë, Alexander Lukashenko, u tha gazetarëve në fillim të kësaj jave se ai u kishte ofruar trupave të Wagner një “bazë të braktisur” në Bjellorusi, raportoi The Guardian.

Ai nuk tha se sa kishin shkuar atje tashmë.

E Prigozhin nuk ka komentuar nëse disa nga mercenarët e tij planifikonin ta ndiqnin atë në vendin fqinj.

Disa luftëtarë kanë vendosur të mos shkojnë në Bjellorusi ose të bashkohen me ushtrinë ruse, sipas një mercenari të Wagner.

"Do të shtypesh si një insekt": Lukashenko tregon detaje të telefonatave me Prigozhin, gjatë kryengritjes së mercenarëve Wagner në Rusi
Lexo po ashtu "Do të shtypesh si një insekt": Lukashenko tregon detaje të telefonatave me Prigozhin, gjatë kryengritjes së mercenarëve Wagner në Rusi

Luftëtari Wagner i tha Meduza-s: “Jo të gjithë shkuan me Prigozhin: disa njësi mbetën. Disa rrinë në rajonet e Luhanskut dhe Donbasit. Disa janë ende në territorin e Krasnodarit”.

Ndryshe, Krasnodar ndodhet në rajonin e Kaukazit të Veriut të Rusisë jugore.

Ministria e Mbrojtjes e Rusisë nuk u bën thirrje luftëtarëve Wagner

Disa ekspertë besojnë se shumë rekrutë të Wagner refuzojnë të luftojnë për Rusinë sepse nuk paguhen sa duhet, përcjell Telegrafi.

Kryengritja e Wagner: Sa aeroplanë, helikopterë dhe sa njerëz humbi Rusia?
Lexo po ashtu Kryengritja e Wagner: Sa aeroplanë, helikopterë dhe sa njerëz humbi Rusia?

Grupet paraushtarake i paguajnë luftëtarët dy herë më shumë se ushtria ruse, raportoi Fondi Gjerman-Marshall vitin e kaluar.

Dhe Putin pranoi në fillim të kësaj jave se nga maji i vitit të kaluar deri në maj 2023, shteti rus i ka paguar më shumë se 86 miliardë rubla (940 milionë dollarë) Grupit Wagner.

Putin thotë se Rusia shpenzoi 1 miliard dollarë për një vit për mercenarët e “Wagner”
Lexo po ashtu Putin thotë se Rusia shpenzoi 1 miliard dollarë për një vit për mercenarët e “Wagner”

Dr. Joana de Deus Pereira, një studiuese e lartë në Institutin Mbretëror të Shërbimeve të Bashkuara (RUSI) në Evropë, e specializuar në luftën kundër terrorizmit, tha për BI se luftëtarët “brengosen për pagesën”.

“Pra, mbi të gjitha bëhet fjalë për para. Së dyti, disa nga këta individë që janë në krye të organizatës do të ishin objektiv i lehtë nëse regjistrohen në Ministrinë e Mbrojtjes”, tha ajo për BI, përcjell Telegrafi.

“Gjithashtu, unë mendoj se në aspektin e aftësive, ata mund të krijojnë lehtësisht një organizatë të re paraushtarake ose t’i bashkohen tashmë atyre që po konkurrojnë, sesa të bashkohen me Ministrinë e Mbrojtjes”, shtoi ajo.

Një riemërtim dhe kthim në Afrikë

Ndërsa avancimi i Prigozhin dhe Wagner shkaktoi një bujë brenda Rusisë, grupi gjithashtu ka interesa në vende të tjera në mbarë botën, pasi ka luftuar në Libi, Siri, Republikën e Afrikës Qendrore dhe Mali, ndër të tjera.

De Deus Pereira tha për BI se atje do të kthehen shumë luftëtarë.

“Ne duhet të kuptojmë se Wagner ka punuar në Afrikë për disa muaj, madje edhe vite. Kështu që ndoshta do t’i nënshtrohet një operacioni riemërtimi”, tha ajo. “Ata kanë absolutisht nevojë që operacionet e tyre të vazhdojnë në këto vende”.

Njëri është bartësi i ‘çantës bërthamore’ të Rusisë: Kush janë gjeneralët që janë zhdukur nga publiku pas kryengritjes së Wagner?
Lexo po ashtu Njëri është bartësi i ‘çantës bërthamore’ të Rusisë: Kush janë gjeneralët që janë zhdukur nga publiku pas kryengritjes së Wagner?

Ndërsa Julia Stanyard, nga Iniciativa Globale kundër Krimit të Organizuar Transnacional, i tha BBC-së se Prigozhin gjithashtu mund të shkojë në kontinent, duke thënë se ka të ngjarë që ai “do të mbajë kontrollin dhe përgjegjësinë përfundimtare për operacionet e Wagner në Afrikë”.

E ardhmja e Prigozhinit

Është më pak e paqartë se si duket e ardhmja e Prigozhin.

Lukashenko u tha gazetarëve në fillim të kësaj jave se ai e bindi Putinin të mos “likuidonte” shefin e Wagner pas rebelimit të dështuar.

Kush është Dmitry Utkin, ‘wagneri’ që udhëhoqi rebelimin kundër Rusisë?
Lexo po ashtu Kush është Dmitry Utkin, ‘wagneri’ që udhëhoqi rebelimin kundër Rusisë?

De Deus Pereira i tha BI se edhe nëse Prigozhin vendos të tërhiqet nga grupi, ai do të vazhdojë pa të, duke shtuar se ekzistojnë të paktën 25 organizata paraushtarake përveç Wagner që aktualisht veprojnë në Rusi, disa prej të cilave kanë lidhje me Ministrinë e Mbrojtjes së Rusisë.

“Wagner ka pasur shumë fytyra. Para Prigozhin, ka pasur të tjera”, tha ajo. “Është shumë e lehtë të zësh vendin apo të vendosësh një fytyrë të re përballë kësaj organizate”. /Telegrafi/


Në trend Botë

Më shumë
Duhet të mësohemi të jetojmë në një botë me konflikte

Duhet të mësohemi të jetojmë në një botë me konflikte

Evropa
Publikohen dokumente sekrete ruse të viteve 2008/2014 - Putin kishte menduar të përdorte armët bërthamore kundër pushtimit të mundshëm kinez

Publikohen dokumente sekrete ruse të viteve 2008/2014 - Putin kishte menduar të përdorte armët bërthamore kundër pushtimit të mundshëm kinez

Evropa
“Mesdita kundër Putinit”, çfarë shkruan në testamentin politik të Navalnyt

“Mesdita kundër Putinit”, çfarë shkruan në testamentin politik të Navalnyt

Evropa
“Jo, Sami, mos më lër”, gruaja palestineze mundohet ta rikthejë në jetë bashkëshortin

“Jo, Sami, mos më lër”, gruaja palestineze mundohet ta rikthejë në jetë bashkëshortin

Azia
Deklarata bombë e ekipit të Alexei Navalnyt: U vra në prag të shkëmbimit me një të burgosur rus

Deklarata bombë e ekipit të Alexei Navalnyt: U vra në prag të shkëmbimit me një të burgosur rus

Botë
Pamje që tregojnë sesi ushtrisë ruse i mungon profesionalizmi në fushëbetejë – gabimet që u kanë kushtuar edhe me jetë

Pamje që tregojnë sesi ushtrisë ruse i mungon profesionalizmi në fushëbetejë – gabimet që u kanë kushtuar edhe me jetë

Evropa
Kalo në kategori