Verifikimi i njohur në termin ndërkombëtar edhe si “vetting” po shtrohet si nevojë që të bëhet edhe në sektorin e arsimit.
Kohë më parë këtë e kishte kërkuar edhe përfaqësuesja e Bashkimit Evropian në Prishtinë, Nataliya Apostolova.
Ajo pati thënë se në kuadër të reformave në sektorin e arsimit duhet të kishte edhe vetting apo verifikim të të gjitha kuadrove në sistemin arsimor.
Për këtë verifikim të cilin e ka theksuar Apostolova, ministri i Arsimit Shkencës dhe Teknologjisë, Shyqiri Bytyqi, thotë të jenë dakorduar me përfaqësuesit e BE-së që në fillim të punës së tij.
Ai thotë se është parë e nevojshme që ministria të bëjë një rishikim funksional.
“BE ka bërë një analizë të funksionimit të Ministrisë së Arsimit e cila ka dal me shumë rekomandime për ndryshimet që janë të nevojshme të bëhen brenda ministrisë së arsimit”.
“Ne jemi në fazën finale ku kemi bërë një organogram të ri, një rregullore të re të përshkrimit të detyrave të punës brenda ministrisë me qëllimin e vetëm që të bëjmë më funksionale Ministrinë e Arsimit karshi obligimeve dhe problemeve që do t’i kemi në të ardhmen, qoftë në sistemin arsimor universitar dhe parauniversitar”, thotë ministri Bytyqi.
Sipas ministrit Bytyqi, është e nevojshme që të ketë verifikim për stafin që menaxhojnë departamentet apo divizionet në mënyrë që të ketë njerëz kompetent në udhëheqjen e këtyre departamenteve.
Sektori i arsimit për vite me radhë është përballur me probleme të mëdha dhe pa përmirësim të duhur në fusha të caktuara. Cilësia e dobët në arsim është theksuar si një nga problemet më të mëdha që përballet ky sektor në Kosovë.
Të gjitha ngecjet në fushën e arsimit ishte theksuar të jenë edhe si pasojë e njerëzve jo profesionistë dhe jo kompetentë që kanë udhëhequr me institucionet arsimore.
Ismajl Kurteshi, kryetar i Komisionit Parlamentar për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi tha se menaxhementi arsimor në të gjitha nivelet ka nevojë për verifikim.
“Arsimi si sektor më i rëndësishëm është në gjendje tepër të palakmueshme. Për ta rregulluar arsimin duhet të ndërmarrim veprime konkrete. Duhet të përzgjidhen njerëz që dinë si të punojnë në arsim dhe kanë vullnet të ndryshojnë këtë gjendje në arsim dhe ajo shkon përmes një përzgjedhje që quhet vetting. Dhe natyrisht ata që janë dëshmuar se nuk janë profesionistë të arsimit duhet të largohen nga arsimi. Me njerëz të duhur do të ndihmohej sektori i arsimit dhe rrjedhimisht i gjithë zhvillimi i vendit”, thotë Kurteshi.
Në anën tjetër, verifikimi në sistemin e arsimit, sipas Rrahman Jasharaj, kryetar i Sindikatës së Bashkuar për Arsim, Shkencë dhe Kulturë shihet si i domosdoshëm për drejtuesit e institucioneve arsimore, por jo edhe për mësimdhënësit.
Ai thotë se dokumentacionet e mësimdhënësve janë verifikuar dhe në numër absolut të rasteve ata kanë pasur shkollim adekuat.
“Një vetting për mësimdhënësit nuk e shoh të nevojshme, pasi që mësimdhënësve disa herë iu është kontrolluar dokumentacioni dhe mund të jetë një defekt i vogël, por në përgjithësi këtë sprovë mësimdhënësit e Kosovës e kanë tejkaluar dhe është vërtetuar se ata kanë dokumentacion dhe kanë ngritje adekuate profesionale. Kjo është vërtetuar edhe në rastin e kërkesës që ka bërë MASHT për dokumentacionin që ka lëshuar licencat e para për mësimdhënësit, e këtë do ta bëjë edhe tani”, thotë Jasharaj.
Ndryshe, shumë institucione të Kosovës, është theksuar se kanë nevojë për procesin e verifikimit. Verifikimi është parë si i domosdoshëm sidomos për gjyqësorin, prokuroritë dhe organet e ndjekjes penale në përgjithësi. /rel/Telegrafi/
Promo
Reklamo këtuLufta Prigozhin - Putin
Më shumëVuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Britania e Madhe reagon për protestën para Bashkisë së Tiranës: Molotovi nuk ka vend në demokraci
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Haradinaj kritikon ashpër Kurtin: Autostrada e Dukagjinit do të ndërtohet herëdokur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi