Policia e Kosovës të martën rreth orës 10:40 ka arrestuar dy persona në Prishtinë, nën dyshimin e kanë kryer veprën penale “keqpërdorim i kartelave bankare”.
“Janë arrestuar dy të dyshuar meshkuj kosovarë pasi që të njëjtit kanë keqpërdorur të dhënat e kartelave bankare, duke i përdorur në mënyrë të paautorizuar”, ka njoftuar policia.
Gjatë kontrollit të shtëpive të të dyshuarve, në cilësi të provave materiale janë gjetur dhe konfiskuar: dy shtëpiza të kompjuterit, 4 telefona celular, dhe një kartelë bankare.
Me vendim të prokurorit të dyshuarit janë liruar, rasti vazhdon në procedurë të rregullt. /Telegrafi/
