Java e 33-të e shtatzënisë: Po bëhet gjithnjë e më e vështirë për të gjetur një pozicion për t’u ulur dhe fjetur, ndërsa bebja juaj godet gjithnjë e më fort

Java e tridhjetetretë e shtatzënisë ka mbërritur dhe ja ndryshimet që mund të prisni në të kur bëhet fjalë për beben, por edhe për ju

Shihni se çfarë ndryshimesh të tjera mund të prisni në këtë periudhë.

Çfarë po ndodh me beben?

Bebja peshon rreth 1.900 gramë (sa një ananas) dhe është pak më shumë se 42 cm e gjatë.

Skeleti i saj po forcohet. Kockat e kafkës ende nuk janë bashkuar – gjë që do ta bëjë më të lehtë për beben të kalojë nëpër kanalin e lindjes. (Presioni në kokë gjatë lindjes është aq i fortë sa shumë bebe lindin me kokë në formë koni). Këto kocka nuk do të ngurtësohen deri në periudhën e rritjes, kështu që indet dhe truri mund të zhvillohen së bashku gjatë fëmijërisë.

Në këtë javë, bebja me shumë mundësi do të vendoset me kokë poshtë, në mënyrë që të përgatitet për lindje. Nëse janë binjakë, vetëm njëra bebe do ta zërë atë pozicion, transmeton Telegrafi.

Çfarë po ndodh me mamin?

Ndjeni gunga të çuditshme në të gjithë stomakun tuaj? Mos u shqetësoni, janë vetëm bërrylat dhe gjunjët e bebit tuaj. Barku juaj është gjithashtu i çuditshëm, tani është zgjeruar dhe ndoshta del jashtë. Kërthiza e dalë mund të jetë shumë e ndjeshme dhe joshëse për prekjen e fëmijës së vegjël. Pas lindjes, ajo do të kthehet në normalitet.

Fëmija zë gjithnjë e më shumë hapësirë në stomak. Aktivitetet që dikur i bënit me lehtësi, tani janë gjithnjë e më të vështira. Gjetja e një pozicioni të lehtë ulur dhe gjumi bëhet më shumë se një sfidë.

Ju gjithashtu mund të ndjeni dhimbje apo edhe humbje të ndjenjës në gishta, kyçe dhe duar. Lëngu mbahet në nyje, gjë që mund të rrisë presionin në tunelin karpal (kanali kockor në nyje). Nervat që kalojnë nëpër këtë kanal mund të kompresohen, duke krijuar mpirje, dhimbje pulsuese ose djegëse. Provoni të mbani një jastëk mbështetës për të stabilizuar kyçin e dorës ose vendosni një jastëk nën krahun tuaj ndërsa flini. Nëse puna juaj kërkon lëvizje të vazhdueshme të duarve (në tastierë ose në një rrip transportieri), mos harroni të shtrini krahët kur bëni pushime – gjë që duhet të jetë shpesh.

Shumë gra ende ndjehen tërheqëse dhe partnerët e tyre pajtohen. Ju mund të duhet të përshtateni, por për shumicën e grave, marrëdhëniet gjatë shtatzënisë janë të sigurta. Disa gra mund të përjetojnë një ulje të dëshirës seksuale gjatë kësaj periudhe.

Çfarë duhet të bëni?

Vendosni një orar gjumi. Diskutoni me partnerin se ku do të flejë fëmija. Armatosuni me tolerancë dhe bëni atë që mendoni se është më e mira.

Përgatitni rrobat për fëmijën. Është koha për të larë dhe hekurosur rrobat që përgatitët për fëmijën. Rrobat e reja zakonisht janë të ngurtë, dhe rrobat e huazuara duhet të freskohen. Detergjentet më të buta janë ato të prodhuara posaçërisht për foshnjat, ato të etiketuara si hipoalergjike ose të përshtatshme për lëkurë të ndjeshme. /Telegrafi/