Ja disa detaje nga broshura informative që i shpërndanë Dogana e Maqedonisë

Në prag të pushimeve verore dhe në rritjen e lëvizjes së udhëtarëve nëpër kalimet kufitare, administrata dokanore ka filluar të shpërndajë një broshurë informative për udhëtarët që hyjnë, dalin dhe janë tranzit, transmeton Telegrafi Maqedoni.

Broshra përmban informacione për të drejat dhe obligimet e udhëtarëve, për t’u mundësuar kontrollë doganore të shpejtë dhe të lehtë.

Siç informojnë nga doganat, broshura informative është në gjuhën angleze dhe maqedonase. Ajo përmban informacione të rëndësishme për rregullat doganore për importimin apo eksportimin e sasive të lejuara të produkteve, si duhan, alkool, parfume, produkte për përdorim personal, ilaçe, manarë, armë dhe municione, etj.

Qytetarët kanë të drejtë që të sjellin në Maqedoni deri 10000 euro, ndërkaq duhet të lajmërohen shumat e parave që tejkalojnë këtë shifrën prej 10000 euro.

Çdo qytetarë që e lëshon Maqedoninë dhe që ka mbi 2000 euro, duhet që t’i lajmërojë në doganë, me letër banke ose këmbimoreje, ndërkaq është e ndaluar nxjerrja e më tepër se 10000 euro nga Maqedonia.

Deri 200 cigare lejohet që të futen në Maqedoni, parfem prej 50 mililitrave, 1 litër alkool, 2 litër verë, 250 mililitër ujë tualeti.

Vendasit janë të lejuar që të futin prodhime me vlerë deri 350 euro, ku nuk futet alkooli, duhani, parfumet dhe uji për tualet./Telegrafi/