Ivanoviq: Deklaratat e Thaçit për marrëveshje historike, fraza të bukura

Lideri i Iniciativës Qytetare SDP, Oliver Ivanoviq, duke reaguar ndaj deklaratës së presidentit të Kosovës, Hashim Thaçi se “dialogu Kosovë-Serbi do të sjellë një marrëveshje historike”, ka thënë se “realiteti i Thaçit në të cilin besojnë 99 për qind e shqiptarëve në Kosovë, nuk është i njëjtë me atë që shohim ne dhe se ka të tillë që janë të vetëdijshëm se ky është vetëm një fiksion”.

Ivanoviq ka thënë për B92  se “Kosova është e pavarur për aq sa Serbia pajtohet  dhe ata janë të vetëdijshëm sa herë kërkojnë anëtarësim në organizatat ndërkombëtare”, përcjell Telegrafi.

Duke reaguar asaj që ka thënë Thaçi në një intervistë për Tanjugun, Ivanoviq thotë se “deklaratat e Thaçit për ‘marrëveshje historike’ janë fraza të bukura, por në këtë mënyrë ai paralajmëron fundin e dialogut, edhe pse nuk është i autorizuar të vendos për këtë”.

Ivanoviq thotë se “Thaçi po flet për diçka që është pjesërisht e vërtetë, se dialogu është jo papëlqyeshëm, por unë mendoj se është e vetmja mundësi për të zgjidhur disa probleme. Ka edhe shumë tema për të cilat duhet të diskutohet dhe mendoj se Prishtina nuk pyetet se çfarë do të ketë në tryezë të bisedimeve”.

Lideri i Iniciativës Qytetare SDP, Oliver Ivanoviq vlerëson se deklaratat e Thaçit paraqesin “deklaratat tipike të palës shqiptare”.

Ai mendon se beson se Thaçi do mbetet i ngarkuar për dialogun mes Kosovës dhe Serbisë. /Telegrafi/