Ismaili i shpreh mirënjohje UNESCO-s për promovimin shprehjeve kulturore në Maqedoni
Ministri i Kulturës, Hysni Ismaili, në Paris, Republika e Francës, mbajti fjalim në Forumin e Ministrave të Kulturës, që u mbajt në kuadër të Mbledhjes së 40-të të Konferencës së Përgjithshme të UNESKO-s.
Në fjalimin e tij para të pranishmëve, Ismaili iu referua mekanizmave për promovimin e shprehjeve kulturore në vendin tonë dhe iniciativave që e inkurajojnë përfshirjen dhe dialogun kulturor në nivel kombëtar ose lokal.
“Me këtë rast, dëshiroj të shpreh mirënjohjen time ndaj UNESKO-s për përpjekjet, iniciativat dhe aktivitetet e tij që kanë njohur rolin e kulturës, në veçanti diversitetin kulturor dhe trashëgiminë kulturore, si elemente thelbësore në shoqëritë moderne”, tha ministri i Kulturës, Ismaili.
Ai para të pranishmëve e përmendi edhe Strategjinë aktuale për Zhvillimin e Kulturës (2018 – 2022) të Ministrisë së Kulturës dhe Legjislacionin Kombëtar (Ligji për mbrojtjen e trashëgimisë kulturore, Ligji për kulturën), të cilat ofrojnë mekanizma dhe aktivitete për të siguruar mbrojtjen e vlerave të trashëgimisë kulturore, të drejta të barabarta kulturore për të gjithë dhe kushte më të mira për avancimin e diversitetit gjuhësor dhe kulturor, mirëkuptimin e ndërsjellë dhe dialogun ndërkulturor.
“Në këtë drejtim, Ministria e Kulturës mbështet financiarisht projekte të shumta të institucioneve kulturore, organizatave joqeveritare, profesionistëve, artistëve nga grupe të ndryshme që e inkurajojnë shprehjen kulturore, përfshirjen dhe dialogun kulturor”, shtoi ministri i Kulturës.
Në kontekstin e promovimit të larmisë kulturore të kulturave të ndryshme që jetojnë në territorin e Republikës së Maqedonisë së Veriut, Ismaili përkujtoi se në vitin 2017 në Listën Përfaqësuese të UNESKO-s për Mbrojtjen e Trashëgimisë Kulturore Jomateriale të njerëzimit ishte regjistruar aplikacioni multinacional “Praktikat Kulturore që lidhen me 1 mars – Verojkat” dhe “Kremtimi pranveror Hidrelez”.
“Regjistrimi dhe promovimi i tyre janë bazë e fortë dhe shembull i mirë i respektit dhe frymëzimit të ndërsjellë për dialogun ndërkulturor”, tha ministri i Kulturës, Ismaili. Ai theksoi se organizimi i katër konferencave për dialog ndërfetar dhe ndërcivilizues që u mbajtën në vendin tonë, të mbështetur financiarisht dhe logjistikisht nga UNESKO-ja, është një shembull pozitiv i dialogut ndërkulturor në nivel kombëtar, rajonal dhe ndërkombëtar.
Në Forumin e Ministrave të Kulturës, që mbahet në kuadër të Mbledhjes së 40-të të Konferencës së Përgjithshme të UNESKO-s nga 12 deri më 27 nëntor, marrin pjesë më shumë se 140 ministra të Kulturës dhe përfaqësues të tjerë të lartë. Tema kryesore e diskutimit është vendi qendror i kulturës në politikat publike në të gjithë botën dhe ndikimi i saj në zhvillimin e qëndrueshëm. UNESKO, agjencia e vetme kulturore e Kombeve të Bashkuara, kthehet në traditën e mbajtjes së takimeve ministrore në fushën e kulturës, 21 vjet pas Konferencës Ndërqeveritare për Politikat Kulturore të Zhvillimit, të mbajtur në Stokholm, Suedi, në vitin 1998./Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Policia shkatërron edhe një laborator tjetër të drogës në Leposaviq
Anëtarësimi në KiE është me “qejf”, thotë Ymeri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?