Interi ka fituar 2-0 ndaj Udineses në kuadër të javës së 22-të në Serie A.

Edhe pse pjesa e parë përfundoi pa gola, të dyja skuadrat kanë pasur shanse të mira për të shënuar.

Në 45 minutëshin e dytë, Nerazzurët arritën që të shënonin dy gola, për të fituar tri pikë të reja.

Udinese vs Inter (Foto: Alessandro Sabattini/Getty Images/Guliver)

Romelu Lukaku arriti të shënonte golin e tij të parë në takim në minutën e 64-të me një asistim të Nicolo Barellas.

Belgu (71’) arriti më pas që ta realizonte edhe golin e tij të dytë personal dhe të dytin për Interin, me anë të penalltisë të fituar nga Alexis Sanchez.

Udinese vs Inter (Foto: Alessandro Sabattini/Getty Images/Guliver)

Pas javës së 22-të, Interi vazhdon të jetë në vendin e dytë me 51 pikë, tri më pak se Juventusi që është lider.

Në xhiron e 23-të Nerazzurët do të takohen me rivalin lokal, Milanin. /Telegrafi/