Nga të gjitha statistikat e grumbulluara nga stafi i Manchester Unitedit gjatë dy javëve të para të turneut parasezonal, ka tërhequr vëmendjen njëra prej tyre.

Intensiteti i lartë i punës që kanë bërë lojtarët deri më tani në Perth dhe Singapor është për 50 për qind më i lartë në krahasim me këtë periudhë në verën e kaluar në drejtimin e Jose Mourinhos.

Pikërisht këtë edhe e kishte premtuar Ole Gunnar Solskjaer për të ndërtuar një skuadër në formë më të mirë fizike, e cila do të jetë e gatshme të përballet me kërkesat e planit të lojës që do t’i kërkojë nga lojtarët e tij.

Të gjitha lajmet nga Man Utd Të gjitha lajmet nga Man Utd

Qasja e trajnerit norvegjez ishte vërejtur që në momentin e kur e zëvendësoi Mourinhon në dhjetorin e vitit të kaluar, pasi kishte rezultuar me një sërë rezultatesh të mira. Mirëpo, mungesa e përgatitjes fizike ishte fajësuar për uljen e nivelit në vijim të sezonit.

Po ashtu, edhe për lëndimet e lojtarëve është fajësuar pikërisht përgatitja jo e mjaftueshme fizike. Për këtë arsye, trajneri është zotuar që ta ngrejë kondicionin e skuadrës, ashtu që lojtarët e tij të jenë në gjendje maksimale për nevojat e ndeshjeve. /Telegrafi/