Infermierja uelsiane e dehur godet me veturë ish-të dashurin, kamerat e sigurisë kapin momentin

Infermierja Rebecca Thomas, 37-vjeçe, ishte nervozuar në ish-partnerin David Robinson, 45, pas një nate që e kaloi duke pirë alkool, kurse në gjykatë u zbulua se ajo e kishte goditur me veturë në parking e klubit të ragbit.

Incidentin ndodhi vitin e kaluar në Swansea të Walesit, kurse të dy ishin nën ndikim të alkoolit në momentin që kishte ndodhur ngjarja, transmeton Telegrafi.

Siç raporton Wales online, lidhja mes dyshes ishte ndërprerë katër muaj para 24 shtatorit të vitit 2022.

Atë natë të kobshme ndodhi një grindje mes dyshes në veturën që ishte parkuar në parkingun e klubit të ragbit Birchgroove.

Gjykatësi Bryan Simpson ka thënë në procesin gjyqësor se asnjërit nuk i kujtohet se çfarë ka ndodhur pas konsumimit të alkoolit.

Megjithatë, Robinson thotë se “kurrë nuk e kishte parë të akuzuarën në atë gjendje sikurse atë ditë”, duke shtuar se “i kujtohet se ishte e ulur në ulësen e shoferit”, duke e goditur me grusht dhe ia hoqi zinxhirin nga qafa.

Pas incidentit, 45-vjeçari vuante nga dhimbjet e mëdha në qafë dhe dorë e syrit të mavijosur.

E kamerat e sigurisë kanë konfirmuar pretendimet, ku shihet Rebecca duke goditur me veturë ish-të dashurin. /Telegrafi/