LAJMI I FUNDIT:

Hysaj: Ishin pikë të rëndësishme, tani mendojmë vetëm për Juventusin

Hysaj: Ishin pikë të rëndësishme, tani mendojmë vetëm për Juventusin

Dominoi lojën dhe fitoi, pavarësisht se shënoi vetëm një gol. Napoli i Elseid Hysajt është duke marshuar drejt titullit në Itali, megjithëse Interi dhe Juventusi mbajnë të njëjtin ritëm.

Për mbrojtësin shqiptar, gjërat kanë shkuar mirë deri tani dhe Napoli ka ende shumë rrugë për të bërë.

Në intervistën dhënë për mediat italiane pas ndeshjes me Udinese, Elseid Hysaj, është shprehur se tre pikët e marra në “Dacia Arena” ishin mjaft të rëndësishme, ndërsa vëmendja tani përqëndrohet tek rivali direkt për titullin, Juventus.

“Ishin me rëndësi tre pikët. Në futboll dihet që ka dhe vuajtje. Fizikisht jemi mirë. Është bukur kur fiton por na duhen ende shumë fitore për të vijuar. Duhet të mendojmë për çdo ndeshje hap pas hapi”,kanë qenë fjalët e para të Hysaj pas ndeshjes me Udinesen, raporton sajti “tuttomercatoëeb”.

Mbrojtësi shkodran, që prej disa ndeshjesh po luan në krahun e majtë jo të natyrshëm për të, ka komentuar dhe sfidat e radhës ndaj Juventus dhe Inter.

“Ne duhet të mendojmë për veten dhe jo për të tjerët. Ndeshjen e Interit e kemi parë të gjithë së bashku, jemi shumë të qetë dhe duhet t`i marrim gjërat me radhë. Në fund bëjmë dhe llogaritë”, thekson Hysaj.

Rivali i radhës do të jetë Juventus, dhe mbrojtësi shqiptar mendon për këtë sfidë që pritet me mjaft interes në Itali.

“Qëllimi ynë është të fitojmë të gjitha ndeshjet. Pikët e marra në Udinese janë shumë të rëndësishme. Ndeshje si ajo e të premtes nuk kanë nevojë për motivim dhe ne do të fillojmë të mendojmë për Juventusin”, ka thënë Elseid Hysaj pas ndeshjes.

Pozicioni në krahun e majtë, kur dihet që ai luan në të djathtin, ia vështirëson gjërat, por mbrojtësi i Kombëtares Kuq e Zi, tregon se ai përshtatet dhe është në ndihmë të ekipit ku ka nevojë.

“Është pak e vështirë për të luajtur majtas, por unë përshtatem mirë nëse është e nevojshme, unë shpresoj të vazhdoj kështu”, është shprehur Elseid Hysaj.

Mbrojtësi i Kombëtares shqiptare, që luan për Napolin, është vlerësuar me notën 6.5, për sfidën e ditës së diel ndaj Udinese, duke bërë një tjetër paraqitje të mirë edhe në këtë ndeshje, ndonëse nuk luan në krahun e tij të zakonshëm.

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Greenwood mund të largohet nga Man Utd për t'u bashkuar me ekipet rivale nga Liga Premier

Greenwood mund të largohet nga Man Utd për t'u bashkuar me ekipet rivale nga Liga Premier

Premier League
I thjeshti, i vështiri, ideali dhe i brendshmi – katër opsionet e Barcelonës për trajnerin e ri

I thjeshti, i vështiri, ideali dhe i brendshmi – katër opsionet e Barcelonës për trajnerin e ri

La Liga
Kalo në kategori