Një baba, të cilit i janë prerë të katër gjymtyrët dhe ka pasur intervenime në fytyrë pas infektimit me “Strep A”, ka paralajmëruar prindërit që të jenë vigjilentë pasi fëmija i shtatë në Britaninë e Madhe ka vdekur nga infeksioni.
Alex Lewis, 42 vjeç, mendoi se bënte fjalë për një grip në vitin 2013, por u alivanos dhe u dërgua me urgjencë në spital ku iu dha vetëm tre për qind mundësi për të mbijetuar.
Ai ishte infektuar me Strep A, pasuar nga Septicemia, raporton themetro.
Raportimet se një nxënës shkolle nga Hampshire është bërë viktima e tetë pas kontraktimit të infeksionit të rrallë, transmeton Telegrafi.
Streptokoku i grupit A është emri që i jepet një lloj bakteri që ndonjëherë gjendet në fyt ose në lëkurë.
Zakonisht shkakton sëmundje të lehta, si dhimbje të fytit dhe infeksion të lëkurës, dhe shumica e njerëzve e mbajnë atë pa asnjë simptomë.
Megjithatë, rrallë, këto baktere mund të shkaktojnë sëmundje të rënda dhe kërcënuese për jetën e quajtur sëmundje invazive streptokoke e grupit A.
Ndonëse ende të pazakonta, rastet e streptokokut invaziv të Grupit A janë aktualisht katër herë më të larta se normalja tek fëmijët e moshës nga një deri në katër vjeç, sipas shifrave të Agjencisë së Sigurisë Shëndetësore të Mbretërisë së Bashkuar (UKSHA).
Bakteret e Streptokokut të Grupit A (Streptokoku i Grupit A ose Strep A) mund të shkaktojnë shumë infeksione të ndryshme. Bakteret zakonisht gjenden në fyt dhe në lëkurë, dhe disa njerëz nuk kanë simptoma.
Infeksionet e shkaktuara nga Strep A ndryshojnë nga sëmundje të vogla deri te sëmundje të rënda dhe vdekjeprurëse. Ndërsa shumica dërrmuese e infeksioneve janë relativisht të lehta, ndonjëherë bakteret shkaktojnë një sëmundje kërcënuese për jetën e quajtur sëmundje invazive streptokoke e grupit A. /Telegrafi/
