Përzgjedhësi i Kosovës në hendboll në konkurrencën e femrave, Agron Shabani, ka shpallur listën e lojtareve në të cilat llogarit për kualifikimet e ardhshme. Skuadra jonë prej 3 deri më 5 qershor në Prishtinë luan në Grupin A të fazës së parë kualifikuese për “Euro 2022”.

Më 3 qershor vajzat tona takohen me Qipron. Më 4 qershor është ndeshja me Luksemburgun, ndërsa më 5 qershor është ndeshja më e rëndësishme me Portugalinë. Kosova e Portugalia vlerësohen pretendente për vendin e parë në grup që siguron avancimin tutje.

Njoma Zogaj, Rinesa Uka dhe Alma Nivokazi janë emra të rinj në listën e selektorit Shabani. Ndërkohë në Kombëtare janë kthyer shumë lojtare si Pashke Marku, Burneta Rama, Blerta Ahmetxhekaj, Areta Istrefi, Alberina Halitaj. NIvokazi e Istrefi janë graduar nga Kosova U-19 dhe kanë rastin të dëshmohen.

Lojtaret tjera ishin edhe në ndeshjet e kaluara në Austri, javë më parë – thuhet në njoftimin e FHK-së.

Edhe për ndeshjet e fillimit të qershorit, Kosova përballet me mungesa të rëndësishme. Për shkak të lëndimit mungojnë Leonora Demaj e Kristina Ukaj, e po ashtu Albana Arifi.

Mungojnë edhe motrat Sara e Rina Rexhepi. Ndonëse do të grumbullohet, Mirjeta Bytyqi ende nuk e ka të drejtën të luajë për Kosovën. Ajo do ta fitojë së shpejti të drejtën dhe do të jetë përforcim i madh për ekipin tonë.

Skuadra do të përgatitet në kryeqytet për ndeshjet e rëndësishme kualifikuese.

Emri Mbiemri Club Pozita
1 Njomza Kelmendi KHF Vushtrria GK
2 Alberina Halitaj KHF Istogu RW
3 Areta Istrefi SV Teutonia Riemke(GER) RW
5 Elma Kameri DHW United Antwerpen (BEL) LB
7 Mirela Gjikokaj Follo HK Damer (NOR) LB
8 Burneta Rama KHF Vushtrria LB
10 Fitore Aliu SG Kappelwindeck (GER) RW
11 Arlinda Hajdari Ringkobing Handbold (DEN) LB
12 Rinesa Uka KHF Prishtina GK
14 Pashke Marku HSC Kreuzlingen (SUI) LW
15 Albina Rugova KHF Istogu LW
17 Aida Stagova KHF Prishtina LW
24 Mirjeta Bytyqi ZRK Mlinotest Adjovscina RB
27 Marigona Hajdari Ringkobing Handbold (DEN) CB
28 Alma Nivokazi KHF Prishtina LB
33 Blerta Ahmetxhekaj KHF Istogu GK
44 Suzana Ujkic KHF Istogu PV
45 Njoma Zogaj EH Aalburg (DEN) CB
77 Meltem Ylberi Spono Eagles (SUI) PV

Stafi teknik
Agron Shabani
Selektor
Faruk Shala Trajner
Valbona Rudaku Trajner
Fatlind Maraj Fizioterapeut