Heidi Klum publikon fotografi nga fillimi i karrierës si modele

Modelja e famshme, Heidi Klum, ka shpërndarë fotografi nga mosha rinore përmes profilit të saj në Instagram.

Është fjala për imazhet me rroba banje të vitit 1992, kur kishte aplikuar për një konkurs modelingu.

Asokohe, ajo ishte 19 vjeçare, ndërsa flokët i kishte më të errëta në krahasim me modelin e saj tashmë të njohur.

Fotografitë e saj i kujtuan konkursin “Germany’s Next Topmodel”, të cilin është duke e drejtuar prej vitesh.

Lexo po ashtu Heidi Klum pohon se sekreti i dukjes së saj qëndron në sasinë e kalorive që merr

“Ngjashëm me mënyrën se si i shikoj fotografitë dhe videot e modelimit për GNTM, këto foto ishin fotot e mia të hyrjes në konkursin tim të modelingut të vitit 1992. Mami më solli një kuti plot me foto të vjetra nga bodrumi”, ka shkruar 50-vjeçarja në postim.

Në të njëjtën ditë, modelja ka publikuar edhe një fotografi të fytyrës në të cilën është vetëm 16 vjeçare. Por, është interesante se sa ka ndryshuar pamja e saj adoleshente.

Heidi e nisi karrierën në vitin 1992, kur fitoi konkursin ‘Model 92’, ku në garë ishin 25 mijë persona të tjerë. Më pas nënshkroi me Thomas Zeumer, CEP e Metropolitan Models New York, dhe karriera e saj mbresëlënëse akoma vazhdon. /Telegrafi/