LAJMI I FUNDIT:

Hazard zgjedh ish-bashkëlojtarin e tij si trajnerin e duhur për të marrë drejtimin e Chelseat

Hazard zgjedh ish-bashkëlojtarin e tij si trajnerin e duhur për të marrë drejtimin e Chelseat

Ikona e Chelseat, Eden Hazard, ka dhënë mendimin e tij në lidhje me temën se kush duhet të jetë personi që do ta zëvendësojë Mauricio Pochettinon sezonin e ardhshëm.

Tekniku argjentinas u largua nga ‘Stamford Bridge’ me marrëveshje të dyanshme javën e kaluar, pas vetëm një sezoni në krye të ‘Bluve’ duke i rikthyer ata përsëri në futbollin evropian.


Klubi londinez tashmë ka filluar kërkimet për zëvendësimin e tij dhe teksa një numër i kandidatëve është konsideruar, Hazard ka dhënë një emër të ri.

Belgu i cili kaloi shtatë vite tek Chelsea mes 2012 dhe 2019, beson se ish-bashkëlojtari i tij Cesc Fabregas, do të ishte një opsion i mirë përkundër faktit se spanjolli nuk ka e ka mbajtur asnjëherë në mënyrë të përhershme këtë pozitë.

Kur u pyet nëse ai do të donte ta shihet Roberto De Zerbin në krye të Chelseat, Hazard u përgjigj: Ndoshta, por unë kam një mik timin tek Como. Ai mund të jetë trajner i parë.

Fabregas kaloi dy vitet e fundit tek Como në Itali, fillimisht si lojtar dhe më pasi ‘vari këpucët në gozhdë’ duke i dhënë fund karrierës si futbollist aktiv.

Chelsea nuk do ta mbajë, Lukaku mes Serie A dhe Superligës së Arabisë
Lexo po ashtu Chelsea nuk do ta mbajë, Lukaku mes Serie A dhe Superligës së Arabisë

Ish-reprezentuesi spanjoll më pas u bë trajner i përkohshëm i Comos pas shkarkimit të Moreno Longos nëntorin e kaluar, deri në momentin kur klubi italian emëroi në krye të stolit uellsianin Osian Roberts, dhe më pas Fabregas kaloi në rolin e asistentit.

Como arriti që të sigurojë promovimin në Serie A më herët gjatë këtij muaji dhe Fabregas luajti një rol të madh në këtë arritje, ndonëse nuk ka shumë eksperiencë si trajner kryesor.

Megjithatë, Hazard i cili ka luajtur së bashku me Fabregasin për pesë vite, është i bindur se 37-vjeçari është i gatshëm që të marrë drejtimin e Chelseat./Telegrafi/

Në trend Sport

Më shumë
Tifozi shqiptar humbi rrugën mes spanjollëve, shikoni se si përfundoi

Tifozi shqiptar humbi rrugën mes spanjollëve, shikoni se si përfundoi

Kombëtarja e Shqipërisë
Merr fund aventura e Shqipërisë në Euro 2024, mposhtemi minimalisht nga Spanja

Merr fund aventura e Shqipërisë në Euro 2024, mposhtemi minimalisht nga Spanja

Përfaqësueset
Notat e lojtarëve, Shqipëri 0-1 Spanjë

Notat e lojtarëve, Shqipëri 0-1 Spanjë

Përfaqësueset
“Luftuam fortë në çdo ndeshje”, Sylvinho deklaron se Shqipëria u eliminua me kokën lart

“Luftuam fortë në çdo ndeshje”, Sylvinho deklaron se Shqipëria u eliminua me kokën lart

Kombëtarja e Shqipërisë
Berat Gjimshiti me mesazh për tifozët dhe lojtarët e rinj të kombëtares

Berat Gjimshiti me mesazh për tifozët dhe lojtarët e rinj të kombëtares

Kombëtarja e Shqipërisë
Szoboszlai kërkon që UEFA të ndryshojë protokollet pas incidentit mjekësor të Barnabas Varga

Szoboszlai kërkon që UEFA të ndryshojë protokollet pas incidentit mjekësor të Barnabas Varga

Përfaqësueset
Kalo në kategori