Haxhiu: Shantazhi i Albin Kurtit me zgjedhje në kohë pandemie është kërcënim për jetën e qytetarëve

Deputeti i Partisë Demokratike të Kosovës, Bekim Haxhiu ka thënë se shantazhi dhe kërcënimi i Albin Kurtit me zgjedhje në kohë pandemie është kërcënim për shëndetin dhe jetën e qytetarëve.

Përmes një postimi në Facebook, Haxhiu u shpreh se “qytetarët kanë pritur angazhim të Qeverisë Kurti 2 në menaxhim të pandemisë, sigurim të vaksinave dhe barna për pacientët, mbështetje për bizneset dhe ekonominë”.

“Kjo metodë, ky qëllim, kur kemi 700-900 raste pozitive në ditë dhe nga 10-17 raste të vdekjeve nga COVID-19, shpërfaqë egon diktatoriale të Albin Kurtit, i cili është i gatshëm të rrezikoj shëndetin dhe jetën e qytetarëve për pushtet absolut majtist dhe diktatorial. Procedura parlamentare nuk njeh nocionin “pezullim”, por njeh miratimin apo tërheqjen e ligjit”, shkruan Haxhiu.

Ndryshe, ushtruesja e detyrës së Kryetares së Grupit Parlamentar të Lëvizjes Vetëvendosje, Mimoza Kusari-Lila, ka konfirmuar se seanca për votimin e presidentit do të mbahet nga ora 18:00 të shtunën.

“Seanca për zgjedhjen e presidentit mbahet sonte në ora 18:00. Ne si grup parlamentar kemi shpreh gatishmërinë që të marrim të gjitha hapat e duhur për mbarëvajtje të suksesshme të një séance për zgjedhjen e presidentes”, deklaroi ajo.

Kandidatë të Qeverisë Kurti për ta marrë këtë pozitë janë Vjosa Osmani dhe Nasuf Bejta.

Nga Lidhja Demokratike e Kosovës kanë thënë se nuk do të marrin pjesë në seancë nëse nuk tërhiqet propozimi për ta ndryshuar ligjin për zgjedhjet e përgjithshme. /Telegrafi/