Hakerët “hyjnë në televizionin rus” dhe thonë se ka pasur një sulm bërthamor

Njerëzit që jetojnë në lindje të Rusisë janë shënjestruar edhe një herë nga hakerët, me sa duket duke sugjeruar se ata kishin qenë subjekt i një sulmi bërthamor.

Sipas mediave të huaja, përcjell Telegrafi, kjo është hera e tretë që stacionet mediatike në vend transmetojnë “paralajmërime mashtrimi” në pak më shumë se dy javë.

Më 22 shkurt, një alarm i rremë i mbrojtjes civile tha se një “lajmërim për sulm ajror” ishte në fuqi, ndërsa një tjetër më 28 shkurt tha se kishte një “kërcënim rakete”.

Ndërsa mesazhi i së enjtes, megjithatë, përfshinte një detaj të ri – një udhëzim për ata që dëgjojnë ‘të marrin pilula’, të cilat zakonisht përdoren në emergjencat e rrezatimit.

Ata që shikonin televizor panë një hartë të Rusisë duke u kthyer gradualisht në të kuqe nga perëndimi në lindje, ndërsa një zë thoshte: “Kishte një sulm. Shkoni urgjentisht në një strehë”.

Ekranet u ndezën gjithashtu me një shenjë paralajmëruese të rrezatimit të zi dhe të verdhë dhe një mesazh që thoshte: “Të gjithë të strehohen menjëherë”.

Sipas raportimeve, imazhet ndërprenë programet televizive dhe radiofonike në Moskë dhe rajonin e Sverdlovsk, duke përfshirë qytetin e katërt më të madh të vendit, Yekaterinburg.

Ministria e Emergjencave të Rusisë tha: “Një alarm i rremë për sulm ajror u transmetua në Moskë pasi serverët e stacioneve radiofonike dhe kanaleve televizive u hakuan”. /Telegrafi/